12 апрель көнне ел саен илебез халкы Космонавтлар көнен бәйрәм итә. Бу бәйрәмнән гимназиябез дә читтә калмый. Уку йортыбызда бу көнгә багышлап төрле чаралар уза. Булып узган чараларның иң күңеллесе мөгәен 8-нче сыйныфта булып узган сыйныф сәгате булгандыр. Сыйныф җитәкчесе Азизова Р.Р.  чараны  атаклы якташыбыз, беренче космонавтлар отрядыннан булган Марс Рафиковка багышлады. СССРда 1960 нчы елда бик күп оста очучылар арасыннан 20-сен сайлап алып космоска очар өчен әзерли башлыйлар. Алар арасында райондашыбыз (әнисе Мәрзия апа Галәветдинова Исәк авылыннан) Марс абый да була. Аны иптәшләре бик хөрмәт итәләр. Ул космоска очыш өчен тулы әзерлек үтә. Тик кайбер сәбәпләр аркасында космоска оча алмый кала. Аннан соң ул озак еллар Казахстан ДОСААФ оешмасын җитәкли. Хәрби очучы һәм инструктор буларак   Әфган сугышында була. Танылган якташыбыз Исәк авылында бик күп тапкыр кунак була. Кайткан саен,  Исәк урта мәктәбендә укучылар белән очрашуга килә. Соңгы тапкыр ул авылга 1987 нче елда кайта. Аның белән шәхсән таныш булган гимназиябез директоры Зиннатуллин Л.Б. якташыбыз белән булган соңгы очрашу турында бик җентекләп сөйләде, бергә төшкән фотоларын күрсәтте.

Яз җитү белән, кошлар искә төшә. Экология елы уңаеннан, 7 нче сыйныф укучылары сыерчык оялары ясадылар. “Кошларга ярдәм итик!” акциясенә кушылдылар.

Буа Башкарма комитеты рәисе Даутов С.Ф. инициативасы белән 2016 нчы елда башланып киткән муниципаль олимпиада быел да зуррак колач белән дәвам итте. Олимпиаданың беренче туры гимназиябез базасында узды. Анда катнашкан балалар арасыннан иң көчлеләре икенче турга уздылар. 11 апрель көнне Сәгъдиев исемендәге мәктәп базасында узган олимпиаданың соңгы турында безнең укучыларыбыз уңышлы чыгыш ясадылар.Математика фәне буенча:

1.       7 нче сыйный укучысы Камалова Ландыш (укытучысы Бадертдинова А.Т.), 11 нче сыйныф укучысы Мухаметшин Аяз (укытучысы Хисамутдинова Ф.Ф.) II нче урыннар алдылар.

Биология фәненнән      11 нче сыйныф укучысы Хуснутдинова Ильсияр (Шаймарданова Л.М.) I нче урын алды, ә    Гиматдинов Ильгиз (Ибрагимова А.А.)  II нче урынга лаек булды.

Химия фәненнән 10 нчы сыйныф укучысы Самерханова Эльвина  һәм   8 нче сыйныф укучысы  Корбанов Ленар I нче урыннаралдылар,  9 нчы сыйныф укучысы Галимова Назлыгель II нче урын алды,  ә 11 нче сыйныф укучысы Гарипов Рәдиф III  нче урынга лаек булды. (укытучылары Ибрагимова А.А.)

Физика фәненнән 9 нчы сыйныф укучысы Юсупов Алмаз II нче урын алды, Гиззатуллин Айрат III нче урынга лаек булды.(Укытучылары Бакирова Ф.М.)

 

Укучыларыбызны һәм аларны олимпиадага әзерләгән укытучыларны зур уңышлары белән котлыйбыз!!!!!!!!!

      8 нче апрель көнне М.М. Вахитов исемендәге гимназиянең “Мөстәкыйль балалар” проектында катнашучы 7 нче сыйныф укучылары республиканың наркотик матдәләргә каршы проектын тормышка ашыру, балаларның һәм яшүсмерләрнең үз сәламәтлекләре өчен җаваплылыгын арттыру,  наркоманияне кисәтү буенча эш алып бару, балалар, яшүсмерләр арасында наркотикларга карата нәфрәт хисе уяту максатыннан “Наркоманиягә “Юк” дибез!” акциясе үткәрде. Акциягә әзерлек эше ата-аналар комитеты белән берлектә алып барылды. Алар “Мин тормыш сайлыйм!” плакатын ясарга, наркоманиянең зыяны турында буклетлар әзерләргә булыштылар, акцияне үткәрүдә катнаштылар. Акция гимназия ишегалдында, шәһәрнең ял үзәге каршында үткәрелде. “Мөстәкыйль балалар”,  наркоманиянең куркыныч чир булуы турында кисәтеп, яшьтәшләрен, шәһәр халкын сәламәт яшәү рәвеше алып барырга өндәделәр.

    Апрель – шагыйрьләр ае. Ул безгә бөек Тукайны биргән.  Гимназия укучылары район китапханәсендә шагыйрь Г. Тукайның 131 еллыгына багышланган шигырь укучылар конкурсында катнаштылар. Шулай ук балалар шагыйрәсе, якташыбыз Йолдыз  Шәрәповага да бу айда 55 яшь тула. Укучылар аның шигырьләрен дә сәнгатьле  сөйләделәр.

     Гимназиядә Россия Федерациясендә Экология елына багышланган  II төбәкара  фәнни - гамәли конференция үтте. Укытучыларның “Төбәкара хезмәттәшлек” секциясе эшендә  филология фәннәре докторы, профессор, КФУ ФһСИның татар филологиясе бүлеге мөдире, татар әдәбияты тарихы кафедрасы мөдире Флёра Сәгыйт кызы Сәйфуллина,  Сембер өлкәсе Мәгариф идарәсенең әйдәп баручы белгече Әлфия Сәмигулла кызы Абутдинова, Чувашия Республикасы Батыр районы Олы Тирәк урта мәктәбе укытучылары катнашты. Сүз татар теле һәм әдәбияты дәресләрендә предметара бәйләнешләр аша метапредмет компетенцияләр формалаштыру хакында барды. Буа тәбәгеннән чыккан Бикколлар нәселе, Г. Тукай һәм Акчуриннар арасындагы җылы мөнәсәбәтләр турында фикер алышынды.  

Буа шәһәренең  Мулланур Вахитов исемендәге гимназиясендә  7 нче апрель көнне балалар бакчасында тәрбияләнүчеләр һәм мәктәп укучыларының   “Минем кече Ватаным” дип аталган   II төбәкара фәнни – гамәли  конференциясе   һәм  ВУЗ галимнәре   һәм гомуми белем бирү мәктәп укытучыларының  “ВУЗда  һәм мәктәптә экология һэм туган якны өйрәнү буенча балаларның эзлэнү эшчәнлеген оештыру” дигән темага багышланган төбәкара  фәнни – гамәли конференцияләр булып узды.Бу ике чара да   экология елына багышланып үткәрелә.

Татарстан Республикасы мәгариф министрлыгы, Казан федераль университетының идарә итү, экономика һәм финанс институты,  Бөтенроссия иҗтимагый оешмасы “Рус география җәмгыяте”нең Татарстан Республикасындагы  буенча төбәк бүлеге,    Буа муниципаль районы мәгариф идарәсе һәм 2016/2017 нче уку елына кабул иткән планнары нигезендә   вуз галимнәре  һәм Буа шәһәренең  Мулланур Вахитов исемендәге гимназиясе тарафыннан оештырылган конференцияләр  тиешле югарылыкта һәм бик оешкан төстә үтеп китте.Бу конференцияләр икенче тапкыр гына үткәрелүенә карамастан Татарстанның бик күп  районнарыннан диярлек килгән мәктәпкәчә яшьтәге балалар, укучылардан  һәм аларның остазларыннан тыш,Чуваш Республикасы,Ульян өлкәсе мәктәпләреннән дә бик күп укучылар һәм укытучылар катнашты. Төрле номинацияләрдә эшләрен яклаган балаларга бәяне, мәртәбәле жюри әгъзалары куйды. Гимназиянең актлар залында  җиңүчеләрне Татарстан Республикасы мәгариф министрлыгы  дипломнары һәм грамоталары белән бүләкләделәр.Татарстан Республикасы экология һүм табигый ресурслар министрлыгы тарафыннан махсус конференция өчен  җибәрелгән китапларны алу балаларны тагын да шатландырды.

31 нче март көнне “Ел укучысы” район бәйгесе уздырылды. 4а сыйныфы укучысы Исхаков Рамазан 3 нче урынга лаек булды. Котлыйбыз!

На основании Положения  о VI Международном конкурсе юных чтецов «Живая классика» 28 марта 2017 года среди обучающихся 5-10 классов школ Буинского муниципального района был проведен конкурс на лучшее чтение отрывка из любого произведения, не включенного в школьную программу литературы. В конкурсе приняли участие 36 обучающихся из 26 школ района-победители школьных туров конкурса. Ученица 7 класса МБОУ «Гимназия им.М.М.Вахитова» г.Буинска РТ Идрисова Дина стала призером районного этапа конкурса.Поздравляем!