25 нче декабрьдә тарих һәм җәмгыять белеме укытучыларының методик семинары булды. Ул  Буа краеведик музее базасында үтте. Темасы: “Историческое краеведение как важное средство связи школы с жизнью”. Семинарда  тарих һәм җәмгыять белеме укытучысы Гүзәл Завитовна мәктәбебездә эшләп килүче тарихи почмак турында эчтәлекле чыгыш ясады.

26 нчы декабрь көнне мәктәптә Яңа ел бәйрәме шаулап үтте. Зал матур итеп бизәлгән, түрдә Яңа ел кунагы-купшыланган чыршы. Иртәнге якта башлангыч сыйныф һәм 5, 6 нчы сыйныф укучылары үзләренең матур программалары буенча чыгыш ясадылар. Шигырьләр, җырлар яңгырады, дәртле биюләр күрсәтелде. Һәр сыйныф укучылары да тырышып әзерләнгәннәр. Аларның тамашаларын карарга Кыш бабай белән Кар кызы да килделәр. Афәрин, балалар. 

Мәктәбебездә татлы ярминкә оештырылды. Балалар тәмле ризыклар пешереп килделәр. Һәркем татлы нигъмәтләрне алып калырга ашыкты. Балаларга ярдәм иткән әти-әниләргә дә рәхмәт белдерәбез. Яңа еллар матур һәм сый-нигъмәтле булсын.

“Ел укытучысы-2020”  бәйгесе кысаларында  куст этабы  бәйгеләре бара. Безнең мәктәптән бу бәйгедә биология укытучысы Шафигуллина Дилбәр Мансуровна  катнашты.  Ул “Чәчәк төркемнәре” темасы буенча 6 сыйныф укучылары белән бик уңышлы  дәрес күрсәтте. Мастер-классы да шул темага туры китерелгән иде. “Биология дәресләрендә3D модельләштерү технологиясен куллану”.  Укытучыга киләчәктә дә зур уңышлар телибез.

 Тарих һәм җәмгыять белеме укытучысы җитәкчелегендә укучылар он-лайн финанс грамоталылыгы дәресләрендә булдылар. Инвестиция, биржа, бизнес һ.б. мөһим темалар буенча лекцияләр тыңладылар. Үзләрен кызыксындырган сорауларын яздылар; лекция укучы куйган сорауларга да җаваплар бирделәр. Дәресләр бик үзенчәлекле, тормышчан, кызыклы һәм бик кирәкле.

Россиядә һөнәрләр елы уңае белән укучыларыбыз ел дәвамында бик күп һәнәрләр турында өйрәнделәр, укыдылар, эзләнделәр. Иң мөһиме: алар күбрәк авыл җирлеге өчен кирәкле һөнәрләргә басым ясадылар. Бу табигый дә, чөнки алар бу һөнәр ияләре, аларның эшләре белән һәр көнне очрашып торалар. 9 нчы декабрь көнне мәктәбебездә һөнәрләр елын йомгаклау тантанасы булды. Һәр сыйныф билгеле бер һөнәргә багышланган тамаша күрсәтте. Тракторчылар, шофёрлар, сыер савучылар, бозау караучылар, игенчеләр, агрономнар булды алар. Укучыларыбыз бу һөнәрләрнең иң кирәкле һөнәр икәнлеген күрсәттеләр. Туган җиребездә, һөнәрле булып, бәхетле һәм мул яшәргә мөмкин икәнлегенә төшенделәр. 

Отчет

о проведении «Урок цифры» по теме «Управление проектами»

в период с 2 по 9 декабря 2019 года

МБОУ «Аксунская СОШ»

Директор ОО:     Т.Д.  Хайруллин

Дата: 9.12. 2019

 8 нче сыйныф укучылары, “Җиңүнең 75 еллыгына 75 әсәр уку” акциясенә кушылып, библиотекада  сугыш темасына язылган әсәрләр укыйлар.

Сәламәтлек-иң зур байлык. Моны һәркем белә, ләкин үз сәламәтлегебез турында без ничек кайгыртабыз соң? Бөтен нәрсәләрне дә белеп бетерәбезме? Сәламәт булу өчен ниләр белергә тиешбез, нинди чирләр бар, аларны булдырмас өчен нәрсәләр эшләргә тиешбез, замана афәтләре нидән гыйбарәт? Шулар турында сөйләргә мәктәбебезгә фельдшер Рузилә Шарифовна килде. Ул бик күп авыруларның билгеләре, алардан ничек сакланырга мөмкин булуы турында сөйләде. Бигрәк тә ВИЧ, СПИД авыруларының кеше өчен бик куркыныч , дәвалап булмый торган авыру булулары турында ассызыклады. Укучыларны үз сәламәтлекләре турында кайгыртырга, начар гадәтләргә бирелмәскә өндәде. Әңгәмә бик җитди һәм гыйбрәтле булды. Укучыларга күп нәрсәләр турында уйланырга җирлек бар. Сәламәт һәм акыллы булыгыз, балалар. Сәламәт тәндә-сәламәт акыл.

Бөек Җиңүнең 75 еллыгына багышлап, “75 еллыкка 75 китап” дигән акция башланды. Акциянең максаты укучыларны китап укырга тарту; замана балаларына сугыш  һәм аның геройлары турында мәгълүмат җиткерү. Мәктәбебез укучылары бу акциягә бик теләп. Һәр сыйныф атнаның бер көнендә авыл китапханәсенә бара. Анда алар сугыш темасына багышланган китаплар, әсәрләр укыйлар. Җиңү көненә кадәр һәр сыйныф, яки һәр бала 75 китап (әсәр) укырга тиеш.