Бөтен ил күләмендә бара торган “Үлемсез полк” акциясенә кушылып, мәктәбебез укучылары да шул сафка бастылар. Ветеран бабаларының, туганнарының фоторәсемнәрен күтәреп, урамнар буйлап үттеләр. Без аларны онытырга тиеш түгел. Шуңа күрә аларны баш өстенә күтәреп, горурланып атлыйбыз.

Бөек Җиңүнең 74 еллыгын каршылап, бик матур чаралар оештырылды...Укучылар “ Дан сиңа, дан, Ватан солдаты...” дигән темага әдәби-музыкаль монтаж әзерләделәр һәм аны авыл мәдәният йортында ветераннарга, укучыларга күрсәттеләр.

Буа шәһәрендә үткән шигырь бәйрәмендә укучыларыбыз бик теләп катнаштылар.Сәнгатьле шигырь сөйләү бәйгесендә катнашып, җиңүче дипломына да лаек булдылар.

24 нче апрельдә Буа шәһәре Р.Сәгъдиев мәктәбендә 4 нче республикакүләм   “ Киләчәге бар халык без, Шәхесләргә бай халык без” дигән фәнни-гамәли конференция кысаларында үткән  “Р.Харис укулары” дигән шигырь укучылар бәйгесендә безнең укучылар да катнашты. Алар, Р.Харис шигырьләрен төрле телләрдә сәнгатьле сөйләп, лауреат һәм призёр грамоталарына лаек булдылар. Афәрин, балалар!

17-24 нче апрель көннәрендә 5 нче Бөтенроссия финанс грамоталылыгы атналыгы узды.Аның темасы “Финансовая грамотность в цифровом формате-будь в курсе!” дип аталды. Атналык кысаларында укучылар тарих укытучысы Камалиева Г.З.җитәкчелегендә  төрле чараларда катнаштылар. Төрле темаларга вебинар дәресләрдә булдылар. (“Зарабатывать с банковской картой”,  “Все про кредит или 4 правила, которые помогут”, “Вклады. Как сохранить и преумножить”). “Инфоурок” проекты буенча финанс грамоталылыгы марафонында катнашып сертификатлар алдылар.

  26 нчы апрель көнне укучылар Бөек Ватан сугышы тарихы буенча он лайн тест үттеләр. Барлыгы 20 укучы катнашты.Укучылар бик тырышып 30 тест соравына җаваплар бирделәр.

    26 нчы апрель көнне мәктәбебездә  Г. Тукай әсәрләреннән китапханә тарафыннан оештырылган  китаплар  күргәзмәсе эшләде.

26 нчы апрель Г.Тукай туган көнгә укучылар бик тырышып әзерләнделәр. Һәр сыйныф укучылары үзләре яраткан әсәрләре буенча макетлар, рәсемнәр ясадылар. Аларны залга куеп, һәркем таныша алды. Бәйрәм Г.Тукай әсәрләре буенча сәхнәдә дәвам итте.

    Г.Тукайның туган көне уңаеннан уздырылган “Театр сәнгатендә Г.Тукай эзләре” дигән чарада 1-2 нче сыйныф укучылары Г.Тукайның “Кызыклы шәкерт” шигырен сәхнәләштереп күрсәттеләр.

   3 нче сыйныф укучылары Г.Тукайның “Бала белән Күбәләк” шигырен бик матур итеп уйнадылар.