24 нче ноябрь-Аналар көненә багышлап, беренче сыйныф укучылары “Без Сезне яратабыз, Әниләр!” дигән темага матур бәйрәм оештырдылар. Бәйрәмдә әниләргә багышлап өйрәнгән шигырьләрен сөйләделәр, җырлар башкардылар, биеделәр, әниләренә матур котлау сүзләрен ирештерделәр. Бәйрәмгә килгән әниләр балалары өчен шатланып утырдылар. Әнә никадәр һөнәрләр үзләштерергә өлгергәннәр икән бит балакайлары, югыйсә әле яңа гына мәктәп ишеген ачып керделәр бит! Соңыннан чәй табыны оештырылды. Бәйрәмне оештыруда катнашкан сыйныф җитәкчесенә һәм авыл китапханәсе мөдире Фәридә апаларына күп җылы сүзләр әйттеләр әниләр. Киләчәктә дә шулай дус булып, бергәләшеп эшләргә булсын.

Башлангыч сыйныф укучыларының “Әдәби көндәлекләр” белән эшләүләренең торышы тикшерелде. Укучылар барысы да эшне башлаганнар. Авыл китапханәсенә барып кызыклы китаплар да укыйлар. Бигрәк тә 1 нче сыйныф укучылары тырышып эшли. Аларга әниләре дә булыша, билгеле. Сайтка кереп эшләүчеләр дә бар. Тырышлык һәм уңышлар телибез балаларга.

В целях подготовки к проведению государственной итоговой аттестации по образовательным программам среднего общего образования, учащиеся 11 класса написали  пробное сочинение по русскому языку.

    9 Дөньякүләм китап укучылар бәйгесе “Әдәби марафон” игълан ителгән иде. Мәктәбебез укучылары ярыша-ярыша матур әдәби китаплар укыдылар. Бу бәйгедә 5 нче сыйныф укучылары  җиңү яуладылар. 15 нче ноябрьдә алар Казан Универсиада авылы, Идел буе физик культура, спорт һәм туризм академиясенең “Академия” концертлар залында “әдәби марафон” 9 Дөньякүләм китап укучылар бәйгесенең бүләкләү тантанасында катнаштылар. Афәрин, балалар! Китаплар сезнең гомерлек юлдашыгыз булсын. Китап-дустыгыздан аерылмагыз.

  14 нче ноябрь көнне Буа шәһәренең Сагдеев мәктәбендә “Шәҗәрәләр-нәсел агачы”  дигән темага фәнни-гамәли конференция булды. Анда 9 нчы сыйныф укучысы Салават Аксу авылы мәчете тарихы турында уңышлы чыгыш ясап, зур уңышка иреште. Киләчәктә дә зур уңышларга ирешергә булсын.

 15 нче ноябрь көнне мәктәптә гомуми ата-аналар җыелышы булды. Ул 1 нче чирек йомгакларына багышланды. Җыелышта сүз балаларның сәламәтлеген саклау, аларны төрле куркыныч гамәлләрдән, сәламәтлеккә зыян китерүче эчемлекләрдән, ризыклардан ничек йолып калу юнәлешендә барды. ОГЭ һәм ЕГЭга әзерләнү юнәлешендәге эшләр турында сөйләшенде. Мәктәптә балалар өчен дәрестән соң эшләрен оештыруга, түгәрәкләргә йөрергә , олимпиадаларга әзерләнергә мөмкинлекләр тудырылуы турында әйтелде. Әти-әниләрнең үз чиратларында балаларның тәртипләрен, телефоннарда кайда утыруларын, дәресләргә, имтиханнарга әзерләнүләрен контрольгә алырга тиешлекләре әйтелде. Ата-аналар комитеты сайланды. Сау-сәламәт балалар тәрбияләү - һәрберебезнең уртак эше, шуңа күрә бергә ярдәмләшеп эшлик.

Укучыларның дәрестән тыш эшчәнлеген оештыру максатыннан, авыл мәдәният йортына кино карарга бардык “Водяная” дигән фильм күрсәтелде. Фильм эчтәлеге буенча әхлакый тәрбия бирү юнәлешендә иде. Балаларга бик ошады.

Каникул көннәрендә 9 нчы сыйныфлар өчен мәктәп базасында “Акыллы каникуллар” дигән проект эшләде. Укучылар фәннәр буенча имтиханнарга әзерләнү дәресләренә килделәр. Химия фәнен сайлаган укучылар Дилбәр Мансуровна белән шөгыльләнделәр.

   9 нчы сыйныф укучылары Математика фәненнән ОГЭга әзерлек дәресендә  төрле катлаулылыктагы мәсьәләләр чиштеләр.

  Укучыларга сафтан чыккан батарейкаларның тирә-якка һәм кеше организмына зарары турында аңлатылды. Батарейкаларны җыю акциясе башлануы хәбәр ителде һәм залга махсус пакетлар куелды. Искергән батарейкалар җыябыз!