Укытучылар көне белән, хөрмәтле коллегаларыбыз! Бәйрәм белән сезне! Уңышларыгызга сөенеп, бәхет хисе кичереп яшәргә язсын сезгә. Һәр таңны шатланып каршы алыгыз, сау –сәламәт булыгыз, замана авырлыклары, күңел төшенкелеге сезне читләтеп үтсен. Хыялларыгыз һәрвакыт чынга ашсын! Хөрмәтле укытучыларыбыз! Сезнең хезмәт җирдә иң хөрмәтле Сезнең хезмәт җирдә нур чәчә Сез бик кирәк барлык кешеләргә; Йөз яшәгез җирдә, мең яшә!

4 нче октябрь көнне ел саен традицион рәвештә үткәрелә торган "Үзидарә көне” быел да үзенең үзенчәлекләре, кызыклы мизгелләре белән истә калды. Директор, аның урынбасарлыры, укытучылар вазыйфасын башкарган 9 нчы сыйныф укучылары үзләренә ышанып тапшырылган эшне бик тырышып, җиренә җиткереп башкардылар. Көн дәвамында килеп туган проблемаларны тиз генә чишеп, яңа эшкә чумдылар. Бу мизгеләрдә мәктәбебез тырышып эшләүче кырмыска оясын хәтерләтә иде. 
Үзидарә көне һәркем күңелендә төрле уйлар калдырды. Кемгәдер ул балачак һөнәрен сайларга булышса, ә кемгәдер укытучы һөнәренең никадәр авыр, җаваплы икәнлеген аңларга ярдәм итте.

16 нчы сентябрь көнне безнең мәктәптә бердәм чисталык көне узды. Бу дәресне үткәргәндә үсеп килүче буында экологик белемнәрне тирәнәйтү, туган як табигатенә сакчыл караш тәрбияләү һәм киләчәк буыннага табигатебезне ничек саклап калу максатлары куелган иде. Шулай ук укучылар 16 нчы сентябрь- Халыкара Озон катламын саклау Көне турында презентация карадылар һәм әңгәмә уздырдылар.

4 нче сентябрь көнне мәктәбебездә "Сәламәт гаиләдә - сәламәт балалар" девизы астында бердәм сәламәтлек дәресе узды. Укучылар "Здоровые дети - в здоровой семье", "Здоровый образ жизни" дигән видеофильмнар карадылар, эстафеталарда катнаштылар, сәламәт яшәү рәвешенең кагыйдәләренә төшенделәр һәм нәтиҗәләр ясадылар.