15 – 19 нчы апрельләрдә Кодаш мәктәбендә башлангычлар атналыгы булып узды. Атна буена кече сыйныф укучылары өчен төрле кичәләр, бәйгеләр уздырылды. Атналыкны “Экологик уен” ачып җибәрде. Табигатьнең серләрен, аңа  карата сакчыл  булырга кирәклеген   һәр бала тирәнтен аңлады. Әлеге тема “Әйләнә-тирә” дөнья дәресендә дә (1 нче сыйныф, укытучысы Галиуллина А.К.) дәвамын алды. Сишәмбе көн татарның бөек шагыйре Г.Тукай әсәрләре буенча төшерелгән мультфильмнарны карауга багышланды. Таныш “Су анасы”, “Шүрәле” әкиятләре белән беррәттән яңа “Кисекбаш” әсәрен укучылар тын да алмый карадылар. 4 нче сыйныфта үткәрелгән ачык татар теле дәресе дә (укытучысы Янгирова Э.И.) эчтәлеге, төзелеше белән укучылар өчен бик кызыклы булды. Ә инде авыл китапханәсенә экскурсия күңелдә аеруча якты эзләр калдырды. Матур бизәлгән китап йорты, төрледән-төрле китаплар күргәзмәсе, ачык йөзле ягымлы китапханәче Ирина апалары беркемне дә битараф калдырмады. Җомга көнне 2-3 нче сыйныф укучылары ачык математика дәресендә (укытучылары Гаязова В.З.) үзләренең белемнәрен күрсәттеләр. Дәрестән соң үткәрелгән “Юл йөрү академиясе” атналыкның иң мавыктыргыч чараларының берсе булды. Шимбә өмәсе укучыларның хезмәт сөюче тырыш балалар булып үсүләрен исбатлады.

    Атналык   мәктәпкүләм линейкада грамоталар тапшыру белән тәмамланды. Атналыкта бер генә укучы да читтә калмады, һәрберсе игътибар үзәгендә булды.

11нче апрельдә мәктәптә татар теле белеме буенча республикакүләм "Зирәк тиен" уен-конкурсы узды. Анда бырлыгы 15 кеше катнашты.

7нче апрель- Сәламәтлек көне буларак, 8нче апрель мәктәптә "Сәламәт тәндә - сәламәт акыл" девизы астында үтте. Иртә күңелле музыка астында зарядка белән башланып китте. Тәнәфесләрдә күңелле спорт уеннары оештырылды. Спорт турында видео һәм презентацияләр аркылы укучылар сәламәтлекнең иң кирәкле байлык икәненә кабат төшенделәр. Сәламәт яшәү рәвешенә укучыларның  мөнәсәбәтләрен   ачыклау өчен  анкеталар уздырылды. Һәркем  үз сәламәтлеген кайгыртуга күп көч куярга кирәк дигән нәтиҗәгә килде.

Кадерле дуслар!

Язның да үз кызыгы бар-

Кыен түгел аңларга.

Апрельнең бере дә җитте

Рәхәтләнеп алдарга!

Җир йөзендә бары тик яхшылык, изгелек кенә хакимлек итсен. Кешеләр күңеле кителмәсен! Дусларыгыз күп булсын, тырышып укыгыз, сәламәт булыгыз, сумкагызда "дүртле" һәм "бишле" билгеләре генә йөртегез. Шул чагында үзегезнең дә көләсегез, бүтәннәрне дә көлдерәсегез килер!

1 апрель көнне китап атналыгы кысаларында 1-4 сыйныф һәм 5-9 сыйныф укучылары өчен  "Көлке куа килә..." кичәсе узды.

Ученица 6 класса Хисматова Тансылу стала победителем Муниципального конкурса "Мастер художественного слова". Поздравляем!

 Әйдә, кояш сип нурыңны,Кызганма бер дә,Зур бәйрәм, күңелле бәйрәм Нәүрүз бүген бездә.

23 март көнне авылыбызның үзәк мәйданына барлык мәктәп укучылары, укытучылары, ата-аналары, әби-бабайлары, кечкенә энекәш-сеңелләре җыелды. Театральләшкән тамашада барлык укучы катнашучы да, карап торучы да булды.Кыш бабайның ( 9 сыйныф укучысы Тимур)үз биләмәләрен бер дә бирәсе килмәде. Нәүрәзбикә( 8 сыйныф укучысы Эльвина) бик җитез , тапкыр булып чыкты, балалар да булышты.

Кардан бераз ачылган , чирәм күренгән җирдә милли уенарны уйнадык. Ул кашык белән күкәй куеп, һәрбер аякка 1шәр капчык киеп , себеркегә атланып йөгерү дисеңме, берсе дә уйналмыйча калмады.Баянчы Альфрет абыйга кушылып такмаклар , җырлар сиптердек генә, татарчасын да бар халык биеде рәхәтләнеп.

Бәйрәмнең яңалыгы булып учакта барлык начар, тискәре, безгә кирәкмәгән гадәтләрне, “2”, “3” леләрне кагәзьга төшереп, аларны “ без болардан котылабыз” дип әйтеп ,Нәүрүзбикәне ышандырып, ЯНДЫРУ булды. Ниһаять, Илмира, Наилә апалар мәктәп ишегалдында учакта пешкән нәүрүз боткасын авыз итәргә чакырдылар. Аның тәмлелеген аңлатып булмый... Йоласына туры китереп, боткага ярманы һәркем алып килде шШунысы куанычлысы, мәктәп укытучылары оештырган бу бәйрәмдә авылыбызның иң өлкән әбисе Миннафа әбинең түбән очтан ук килүе һәм яңа гына тәпи йөри башлаган Ринальнең беренче Нәүрүзне күрүе һәм һәркемнең елмаюлы йөзләре булды. ул.

23 март(шимбә) көнне көндез сәг. 10да

Кодаш авылының үзәк мәйданында

 НӘҮРҮЗ бәйрәме уздырыла.

Оештыручылар: Кодаш мәктәбе укытучылары, укучылары.   ПРОГРАММАДА: кышны озату, язны каршылау, җыр-бию, милли уеннар, учакта пешкән ботка ашау, чәй эчү.

Күчтәнәчкә тәмлүшкәләр алырга онытмагыз!!!

 Әгәр яңгыр, кар яуса,бәйрәм  клуб эчендә  күрсәтеләчәк. РӘХИМ ИТЕГЕЗ!

6нчы март көнне мәктәпкүләм Ата-аналар конференциясе узды. Зур гаилә бәйрәме барлыгы 51 укучыны, 12 укытучыны, 5 хезмәткәрне, 32 ата-ананы һәм әби-бабайны берләштерде.

"Бала - өйдәге кояш. Шуны онытмагыз: туктаусыз кайгыртып, тәрбияләп торсаң гына ул балкып торыр, өйгә җылы нурлар сибәр", дип әйтте мәктәп директоры Наил Әмир улы Мөэминов ата-аналар комитеты членнары АлайдиноваФ., Гилемдаров Р., Зубаерова Р., Калимуллин И. чыгышларын җөпләп.  

1-4 сыйныф укучылары бик матур итеп килгән кунакларны котладылар. " ӘЙЛӘН -БӘЙЛӘН "биючеләре башкорт һәм шаян татар биюен бүләк иттеләр.

Барлык әти-әниләр, әби-бабайлар 2 командага бүленеп туган якны өйрәнү музеенда экскурсиядә  булдылар, информатика кабинетында "Универсиада 2013 каршылап" дигән конкурста видеоролик карадылар, викторинада көч сыныштылар. Иң күп белүчеләр Алайдинова Фаридә, Гилемдаров Рөстәм, Калимуллина Ләйсәнгә дипломнар һәм баллы призлар тапшырылды.

Конференциянең иң җанлы өлеше "АУЛАК ӨЙ"гә туры килде.5-9  сыйныф укучылары аулак өй күренешен сәхнәләштерделәр, рәхәтләнеп биеделәр, такмаклар әйтештеләр. Баянчыбыз Альфред абый да дәрт өстәп торды. Ахырда әти-әниләр командалары  җавап итеп "Күбәләгем", "Җомга" җырларын башкардылар.

"Шушылай матур итеп, уен-көлкене белеп, гореф-гадәтләребезне онытмыйча бер гаилә булып яшик!", дип бәйрәмне йомгаклады укыту-тәрбия эшләре буенча директор урынбасары Халисә Кәбир кызы Мөэминова.  

Хөрмәтле ата-аналар, әби-бабайлар!

Сезне 6нчы март көнне 18.00 сәг. Ата-аналар конференциясенә чакырабыз һәм көтеп калабыз.

Программада:

1. Мәктәп директоры Мөэминов Наил Әмир улы чыгышы.

2. Укучылар котлавы.

3. "Универсиаданы каршылап" (викторина)

4. "Тарихны барлаганда" (мәктәп музеена экскурсия)

5. "Аулак өй" - театральләштергән тамаша

22 февраля 2013 года в школе прошел сбор, посвященный Дню Защитников Отечества. На встречу со школьниками пришли   участник Великой Отечественной Войны Мияссаров Гыйлемхан и  недавно отслуживший в армии выпускник школы Нурисламов Ленар. Также перед учениками выступил директор школы Мукминов Наил Амирович. Ребятам очень понравились рассказы их  о службе в армии, тяготах и смешных случаях из армейской жизни. Гости посоветовали мальчикам  больше заниматься спортом и прилежно учиться, чтобы в будущем стать настоящими защитниками Отечества. Школьники задавали много вопросов, фотографировались с гостями и подарили им памятные подарки.