Ак болытлар, ак чәчәкләр,

Аклык, сафлык, чисталык.

Рәсемемдә бөтен дөнья

Калган кебек чистарып.

Бүген бакчабызда асфальтта рәсем ясау конкурсы үтте.Балаларыбыз тырышып асфальтта рәсем ясадылар. 

Ипи булса табында

Булдырам мин барын да!

Бүген без мини-пекарняга экскурсиягә килдек. Безгә анда эшләүче апалар ипинең нинди юллар үтеп өстәлгә килгәнен аңлаттылар.

Челтер-челтер чишмәбез,

Ярдан балчык ишмәбез,

Татлы суын без аның

Бик яратып эчәбез.

Бүген без чишмәгә экскурсиягә бардык.

Сабан туе - хезмәт туе,

Шатлык һәм бәхет туе.

Уйнап, көлеп, җырлап-биеп

Бәйрәм итик көн буе!

Кадерле дуслар!Сезне барыгызны да халкыбызның милли бәйрәме Сабантуйлары белән котлыйбыз!

Сабантуе, Сабантуе!

Шундый рәхәт, күңелле.

Ник чыкмаска көрәшергә

Мин соң егет түгелме?

Бүген бакчабыз көтеп алган Сабантуй бәйрәмнәрен башлап җибәрде. Балаларыбыз төрле бәйгеләрдә, ярышларда көч сынаштылар. Сабантуеның иң мавыктыргычы булып ат чабышы белән көрәш булгандыр мөгаен. Балаларыбыз чын батырларча саф, татарча көрәштеләр, бил алыштылар. 

Балалар бакчабыз "Билингвальный детский сад" республикакүләм  конкурсында катнашты. Казан шәһәреннән килгән комиссия әгъзалары   балаларның рус теленнән белемнәренең ни дәрәҗәдә булулары белән танышып киттеләр. 

Кадерле сугыш һәм тыл ветераннары! Сезне чын күңелебездән Бөек Җиңү көне белән кайнар котлыйбыз! Сезгә корычтай нык сәламәтлек, балаларыгызның, оныкларыгызның игелекләрен күреп яшәргә язсын! Күкләребез аяз, илләребез тыныч булсын!

Бүген бакчабызда тәрбияләнүче Дәминов Илдан Салавыч авылы митингында катнашты. Ул ветераннарга һәм килгән кунакларга җыр бүләк итте. 

Бакчабызда "Җиңү алып килде май" проекты кысаларында балаларга Бөек Ватан Сугышы турында презентация күрсәтелде һәм сугыш темасына карата җырлар тыңланылды.