Балалар бакчасында "Заманча әкиятләр илендә" проекты кысаларында балалар заманча әкиятләр карыйлар. Балаларга рус  һәм татар телендә заманча әкиятләр бик ошый, күңелләренә хуш килә.

Зурлар - мәктәпкә әзерлек төркемендә Салавыч авылы китапханәчесе белән очрашу булып узды. Балалар китапларны ничек сакларга кирәклегенә төшенделәр.Балаларда мәктәпкә кергәч китапханәгә йөрү теләге уятылды.

Татарстан чаӊгы юлы-2014 массакүләм чаӊгы ярышыннан без дә читтә калмадык, коллектив белән чаӊгыга бастык!

Зурлар - мәктәпкә әзерлек төркеме табигать почмагында тәҗрибә үткәрә. Суган һәм солы үсешен күзәтү вакытында.

"Хезмәт  төбе- хөрмәт"проекты кысаларында балалар бакчадагы эшләүче апайларның эшләре белән танышып экскурсия ясап йөриләр. Бигрәк тәмле пешерәләр безнең повар апаларыбыз!

Бөтен Россия буенча үткәрелгән "Осень по земле шагает" рәсем конкурсында катнашкан Апанов Айзат  III дәрәҗә диплом белән бүләкләнде. Аны конкурска әзерләгәне өчен I квалификацион категорияле тәрбияче Закирова Чулпан Габдулбаровна Грамота белән бүләкләнде.  

Безнең бакча балалары бик тырышлар. Тырышып рәсемнәр ясыйлар, конкурсларда катнашалар. Уртанчылар һәм зурлар/мәктәпкә әзерлек төркеме балалары бөтен Россия буенча үткәрелгән "Осень по земле шагает"  конкурсында катнашып, таныклык белән бүләкләнделәр. 

Кыш айларында салкын тиюләр күбәя. Салкын тиюдән  саклану өчен шәфкать туташы Әлфия апабыз үзенең киңәшен бирде. Компьютерда утырмаска, саф һава суларга, чанада шуарга, суган -сарымсак ашарга кирәклеген аңлатты. 

Табигатебез үзенең хозурлыгы, матурлыгы белән безне сихри әкияти дөньяга алып кереп безне таң калдыра. Шул уңайдан безнең балалар бакчасында "Кышкы матурлык" дип исемләнгән рәсемнәр конкурсы үткәрелде. Балалар кышкы матурлыкны рәсемнәрдә чагылдырды. 

Уртанчылар төркемендә "Юлда йөрү кагыйдәләрен беләсеңме?"дигән темага рәсемнәр конкурсы үткәрелде.