Кичә Салавыч мәдәният йортында "Тату сыйныф серләре" дигән бәйгенең беренче этабы узды. Унике мәктәпнең әти-әниләре фойеда күргәзмә оештырды, визиткалары белән таныштырды, проектлар яклады

.Кенә, Карадуган, Бөрбаш, Нөнәгәр, Салавыч, Балтач, Яңгул, Норма, Смәел, Шеңшеңәр, Куныр урта мәктәпләре, Балтач гимназиясе әти-әниләр комитеты әгъзаларыннан торган командалар хәзерлекле килгәннәр, биремнәрне үтәделәр, хезмәтләре алкышларга күмелде.

     Мәктәп укучылары һөнәр сайларга әзерләнә

    16 ноябрь көнне Балтач мәдәният үзәгендә Казан аграр вузлары вәкилләренең өлкән сыйныф укучылары белән очрашуы оештырылды.Казан Дәләт Аграр университетының өлкән укытучысы Нурмиев Азат Ахияр улы, Казан Дәүләт ветеринар медицина академиясе  доценты Нургалиев Фәрид Муллагали улы уку йортларының структурасы, материаль- техник базалары, белгечлекләр, уку йортларына керү шартлары белән таныштырдылар.Һәр ике уку йорты турында фильм күрсәтелде.Студентлар укудан тыш вакытларын ничек уздырулары, тулай торактагы шартлар, спорт һәм мәдәни чаралар  турында сөйләделәр.Очрашуның максаты- укучы яшьләр арасында аграр һөнәрләрнең дәрәҗәсен күтәрү, аларны авыл хуҗалыгын үстерү өчен үткәрелә торган дәүләт ярдәме  программалары белән таныштыру иде.Чарада районның авыл хуҗалыгы һәм  азык- төлек идарәсе белгечләре дә катнашты.

Очрашу азагында мәгариф идарәсе җитәкчесе  Зәкиева Алия Юныс кызы: “Һөнәр сайлау- җаваплы эш, Һөнәр сайлаганда кеше үз язмышын сайлый. Сайлаган һөнәрләрегез үзегезгә ошый һәм шатлык китерә торган булсын”, - дип районның өлкән сыйныф укучыларына һөнәр сайлауда үзенең киңәшләрен бирде.

                                                    Мәгариф идарәсе методисты Гөлсинә Бариева.

11 ноябрь көнне илебезнең барлык төбәкләрендә үтә торган зур  масштаблы географик диктантка Балтач мәгариф хезмәткәрләре һәм мәктәп укучылары-“Юнармия” хәрәкәте членнары да кушылды. Диктант сәгатъ уникедә Балтач гимназиясендә башланып китте.

       Владимир Путин инициативасы белән үтә торган мондый күләмле акция Рус география җәмгыяте тарафыннан быел дуртенче тапкыр узды. Катнашучылар 30 сорауга җавап биреп, барлыгы 100 баллга ия була ала иделәр. Әдәби әсәрләрдән, сәяхәтчеләрнең көндәлекләреннән өзекләр  буенча географик объектларны танып белү катнашучыларга   аеруча ошады.