Мәктәбебездә тимурчылык хәрәкәте даими эшләп килә. "Тапкырлар" отряды укучылары арада иң активлары.

Балтач урта мәктәбе базасында Татарстан Республикасы Фәннәр Академиясе Президенты Әхмәт Мазһаров исемендәге «Фәнгә адымнар» IV фәнни-гамәли конференция булды. Быелгы конференциядә республикабызның төрле төбәкләреннән барлыгы 71 укучы катнашты. 

«Кошлар килде» акциясе дәвам итә. Укучыларыбыз ясаган ояларны Рамил Абдулбариевич җитәкчелегендә югары сыйныф укучылары мәктәп янындагы агачларга беркеттеләр. Тиздән җылы яклардан туган илләренә кайткан кошлар – сыерчыклар аларга урнашып, куанып сайрарлар.

Мәктәбебез укучылары Гарифуллин Айнур (5 б  класс) һәм Сабирова Әдилә (4 а класс)  Бөтенрәсәй «Илһам» яшь язучылар бәйгесенең зона турында катнашты. Алар Арча шәһәренең 6 нчы номерлы мәктәбендә мәртәбәле жюри алдында имтихан тотты. Җитәкчеләре Кадирова З.А., Вафина Т.М.

2018 нче  елның 31 март - 1 апрель көннәрендә Казан шәһәрендә Чемпионат һәм Россия   беренчелегенә киокушин каратэ  ярышлары узды. Бу ярышларда кекусинкай каратэ түгәрәгендә шөгыльләнүче мәктәбебез спортчылары Шәйхетдинов Булат (4 б класс) һәм Якупова Алинә (6 а класс) уңышлы чыгыш ясап, 3 нче призлы урынга лаек булдылар.

Март - экология айлыгы кысаларында уздырылган "Кошлар килде" акциясендә Норма урта гомуми белем мәктәбе укучылары да актив катнаштылар. Укучылар канатлы дусларыбызны каршы алу өчен сыерчык оялары ясадылар.  Сыерчык оялары үзләренең хуҗаларын каршы алырга әзер.

Язгы каникул вакытында да  мәктәбебез укытучылары чыгарылыш сыйныф укучыларының  белемнәрен ныгыту, арттыру өстендә эшлиләр. ОГЭ, ЕГЭ га әзерлек эшләре оешкан төстә бара.

24 март -  Бөтендөнья туберкулезга каршы көрәш көне.  Туберкулезны кисәтү һәм сәламәт яшәү рәвешен пропогандалау максатыннан,  мәктәбебездә  "Ак ромашка" ("Белая ромашка")  исеме астында информацион стенд эшләнелде. Биредә әти - әниләр дә, укучылар да туберкулезны кисәтү, булдырмау, саклану  турындагы мәгълүмат белән таныша алалар.

26 март  көнне мәктәбебездә 1-5 класслар белән берлектә кышны озату бәйрәме “Нәүрүз” уздырдык.

Команда нашей школы занял 1 место в конкурсе «Вынос раненого из-под обстрела» на муниципальном этапе военно – спортивной игры «Зарница - 2018».