25 нче май көнне “Замандаш” укучылар оешмасының иң актив членнары Дуслык учагында катнашты. Алар төрле милләт вәкилләре белән аралашып, вакытларын файдалы һәм кызыклы үткәрделәр.

24 нче май көнне мәктәптә Соңгы кыңгырау бәйрәме булып узды. 11нче сыйныфны тәмамлаучы 13 укучы мәктәп белән саубуллашты, укытучыларга, әти – әниләренә булган хөрмәт хисен шигырь, җыр аша  җиткерде. Укучылар әзерләгән вальс һәм флешмоб йөрәкләргә үтеп керде. Уңышлар сезгә!

22 нче май көнне мәктәбебез йолдызларын барлады. Уку алдынгылары, район, республика олимпиадалары җиңүчеләре һәм призерлары, фәнни – гамәли конференцияләрдә һәм конкурсларда җиңү яулаган укучылар, иң яхшы спортчылар, игелекле эшләрдә актив катнашучылар сәхнәдә лаеклы урыннарын алды, алкышларга күмелде. Тантана җыр, бию белән үрелеп барды. Йолдызларыбызны котлыйбыз һәм киләчәктә дә зур җиңүләр телибез!

19 май көнне мәктәбебез укучылары өчен сәламәтлек һәм спорт көне кысаларында спорт уеннары белән Сабантуй оештырылды. Укучылар төрле кызыклы ярышларда катнашты, саф һавада ял итте.

1 июня 2018 года Уполномоченным по правам ребенка в Республике Татарстан совместно с республиканскими министерствами и ведомствами с 09.00 до 13.00 на базе

Дома дружбы народов Татарстана (г. Казань, ул. Павлюхина, д.57) запланировано проведение Дня правовой помощи гражданам «Детский вопрос».

15нче май көнне 1 – 2 сыйныф укучылары, укытучылар, әти - әниләр көче белән “Йолдызчыклар яңгыры” дип исемләнгән концерт оештырылды. Концерт бик югары дәрәҗәдә һәм оешкан төстә узды. Укучылар үзләренең чын якты йолдызчык булуларын сәхнәдә расладылар, һәр чыгыш ясаган бала да, әти - әни дә алкышларга күмелде. Афәрин, йолдызчыклар!

Бөтенрәсәй «СТОП ВИЧ/СПИД» акциясе кысаларында информацион стенд эшләнде, анкеталар уздырылды, класс сәгатьләре үткәрелде, медик хезмәткәр тарафыннан аңлату эшләре алып барылды, класс почмакларына информация беркетелде.

12 нче май көнне мәктәбебездә  ГПКЗ «Балтасинский» экологы һәм Төньяк ТУ ның1 категорияле эколог – специалисты Латыш Ф.К. катнашында  экологик семинар узды. Закирова Л.П. һәм Садыйкова Г.Р. җитәкчелегендә 5б , 6 нчы сыйныф укучылары әлеге семинар кысаларында проектлар якладылар, фикер алыштылар.

 5 б һәм 6 а сыйныфы укучылары сугыш чоры баласы Хадыев Ә.Х. белән очраштылар. Әгъзам абыйның сүзләре укучыларның күңеленә үтеп керде, аларда сугыш чорында үзләрен аямый тылда тырышкан батыр авылдашларына карата чиксез хөрмәт хисе туды.

Учащиеся старших классов принимали участие на встрече с Нигматуллиным Р.Ш., который увлекательно рассказал о трудной жизни в тылу в годы войны. Учащиеся с огромным интересом слушали его рассказ.