Тукай айлыгы кысаларында, укучыларны Габдулла Тукайның тормыш юлы, иҗаты белән таныштыру максатында, информацион стенд эшләнелде. Укучылар бөек шәхесебез турында булган белемнәрен бик теләп ныгыттылар, баеттылар. Үзләре дә Тукайга ияреп, шигъри әсәрләр иҗат иттеләр.

 2 – 4 сыйныф укучылары 25 апрель көнне үзләренең проект эшләрен мәктәп күләмендә жюри каршында якладылар. Укучыларның һәм җитәкчеләренең ныклы әзерлеге, төпле белеме күзгә ташлана. Искиткч эчтәлекле һәм мавыктыргыч проект, фәнни – эзләнү эшләре югары бәяләнде.

Мәктәбебездә 1 нче сыйныф укучылары арасында шашка ярышы булып узды. Кызлар арасында 1 урында – Хабибуллина Дилә (1а), 2 урында – Саттарова Диләрә (1 а) , 3 урында – Хөсәенова Зәринә (1 а). Малайлар арасында 1 урынга – Шигабутдинов Риназ (1 а), 2 урынга – Закиров Камил (1 а), 3 урынга – Гарафетдинов Солтан (1 б) лаек булды. Җиңүчеләрне котлыйбыз! Уңышлар сезгә!

Мәктәбебездә районыбызның информатика укытучылары өчен методик семинар булып узды. Семинарның 1нче өлешендә Волков Р. Р. 7нче сыйныф укучылары белән Федераль дәүләт белем бирү стандартларына туры китереп ачык дәрес уздырды.

Тукай айлыгы кысаларында татар теле укытучылары җитәкчелегендә уздырыла торган рәсем һәм иҗади эшләр бәйгесендә 5 нче б сыйныфы укучылары бик актив катнаштылар. Укучылар ясаган рәсемнәр конкурста төрле призлы урыннарга лаек булды. Афәрин, укучылар, алга таба да иҗади уңышлар сезгә!

 Мәктәбебездә 20 нче апрель  көнне районның Әтиләр советы җитәкчеләре,  членнары, мәктәпләрдәге тәрбия эшләре буенча директор урынбасарлары өчен. “Мәктәпнең укыту-тәрбия эшчәнлегендә әтиләр советының роле” темасына җитди семинар булып узды. 

26 нчы апрель – бөек шагыйребез Габдулла Тукай туган көн. Әлеге истәлекле дата – Тукай айлыгы кысаларында мәктәбебездә күп кенә чаралар үткәрелде. 1 – 6 нчы сыйныф укучылары “Тукай әсәрләре буенча” дип исемләнгән  рәсем конкурсында  актив катнаштылар, укучылар ясаган рәсемнәрдән торган күргәзмә бер кешене дә битараф калдырмады.

ЭКОВЕСНА конкурсы кысаларында төрле кызыклы конкурслар уздырылды. Яраксыз, куллануда булган материалдан курчакка  кием әзерләү, шигырь иҗат итү, рәсем конкурсларында укучылар актив катнаштылар.

«Сәламәт бул!» акциясе кысаларында 1 а сыйныфында сәламәт яшәү рәвешен пропагандалау, көндәлек режимны саклау, гигиена таләпләрен үтәү буенча “Чисталык - сәламәтлекнең нигезе” дигән класс сәгате узды. Укучылар чисталык саклау кагыйдәләрен искә төшерделәр, көндәлек режим үтәүнең мөһимлеге турында фикер алыштылар.

Туган тел һәм сәнгать айлыгы кысаларында татар теле һәм әдәбияты укытучысы Шалаева Г.С. 6 нчы сыйныф укучылары белән “Үз уеның”  (”Своя игра” ) уены уздырды.