Сегодня 21 апреля в Карелинском детском саду были проведены Всероссийские учения по вопросам действий сотрудников и воспитанников при атаке БПЛА

#ГодДошкольногоОбразования

#ГДОТатарстан

Татарстан Республикасы Мөселманнарының Диния нәзарәте Балтач районы мөхтәсибәте Балтач балалар сәнгать мәктәбе "Ислам моңы" район бәйгесендә бишек җырлары номинациясендә катнашып мәктәпкә әзерлек төркеменнән Давлятова Диләрә Руслан кызы 1 нче дәрәҗә дипломант, бәет номинациясендә Хисамов Ризван Равил улы 2 нче дәрәҗә лауреат, пәйгамбәргә салават номинациясендә Фатихов Дауд Айдар улы 3 нче дәрәҗә дипломант дипломнарына ия булдылар. Молодцы балалар, сез булдырасыз! Алга таба да җиңүләрегез күп булсын.

#ГодДошкольногоОбразования

#ГДОТатарстан

Районкүләм "Балтач малае - 2026" бәйгесендә мәктәпкә әзерлек төркемендә тәрбияләнүче Хисамов Ризван Равил улы катнашты һәм диплом белән бүләкләнде. Ризванны зур уңышы белән ихлас күңелдән котлыйбыз, алга таба да уңышлары күп булуын телибез. 

#ГодДошкольногоОбразования

#ГДОТатарстан

Районкүләм "Балтач малае, Балтач кызчыгы - 2026" бәйгесендә зурлар төркемендә тәрбияләнүче Мукминова Динә Илмир кызы гаиләсе белән катнашып, "Самая артистичная" номинациясендә җиңү яулады. Динәне зур уңышы белән котлыйбыз, алга таба да уңышлар телибез.

#ГодДошкольногоОбразования

#ГДОТатарстан

Үстергән дә безне чын дуслык,

Көч биргән дә безгә чын дуслык.

Дуслык булса, яшәр гомергә

Бөтен җир шарында тынычлык.

16 нчы апрель көнне Норма мәдәният йортында Кариле балалар бакчасы "Яңгырасын дуслык моңы" дип исемләнгән иҗат концерты тәкъдим итте. Концерт бай эчтәлекле булды, матур җырлар, биюләр белән үрелеп барды. Балаларның, әти-әниләрнең, коллективның чыгышларын көчле алкышлар белән кабул иттеләр. Чыгыш ясаган һәркемгә олы рәхмәтебезне белдерәбез.

#ГодДошкольногоОбразования

#ГДОТатарстан

Ел саен 12 апрельдә Россиядә Космонавтика көне билгеләп үтелә. Шул уңайдан мәктәпкә әзерлек төркеме балаларына космос, планеталар, йолдызлар турында әңгәмә үткәрелде. Беренче космонавт Юрий Алексеевич Гагарин турында мәгълүмат бирелде. Сәнгати-эстетик үсеш - кисеп ябыштыру шөгылендә балалар ракета ябыштырдылар. Әти-әниләр белән бергә балалар рәсемнәр дә ясап алып килделәр.

#ГодДошкольногоОбразования

#ГДОТатарстан

Җылы яз ае җитү белән туган ягыбызга кошлар әйләнеп катты. Кошлар кайтуны безнең балалар да сөенеп көтәләр. Бүген бакчабызда "Карга боткасы" бәйрәме булды. Балалар уйнадылар, җырлар җырлап, шигырьләр сөйләделәр. Соңыннан карга боткасы пешереп, бергәләшеп сыйландылар.

#ГодДошкольногоОбразования

#ГДОТатарстан

"Экояз - 2026" бәйгесенең "Зоокайгырту" атналыгы кысаларында кечкенәләр төркемендә тәрбияләнүче балалар белән йорт кошлары һәм хайваннары турындагы күзаллауларына төгәллек кертү, аларга карата кайгыртучанлык тәрбияләү максатыннан конструкторлардан тору урыны төзеделәр һәм алар белән уеннар уйнадылар. Балаларда хайваннарга карата ярату, кайгыртучанлык хисе кечкенәдән тәрбияләнә.

#ГодДошкольногоОбразования

#ГДОТатарстан

"Экояз - 2026" бәйгесенең "Зоокайгырту" атналыгы кысаларында зурлар төркемендә "Хайваннар - безнең дуслар" дигән темага әңгәмә үткәрелде. Әңгәмә барышында балалар үзләренә кирәк бик күп мәгълүмат алдылар. Юлда иясез хайваннар очраган вакытта үзләрен ничек тотарга кирәклеге аңлатылды. Хайваннар турында үзләренең фикерләре белән уртаклаштылар. Хайваннарга безнең ярдәм кирәк дигән нәтиҗәгә килделәр.

#ГодДошкольногоОбразования

#ГДОТатарстан