Туган тел айлыгы кысаларында мәктәптә "Тукай яши..." исемле әдәби-музыкаль кичә уздырылды. Кичәдә 1-11 сыйныф укучылары катнашты. Кичә барышында Г.Тукайның тормыш юлы, иҗаты яктыртылды, әсәрләре сәхнәләштерелде.

Мәктәбебез традицион рәвештә ел саен отчет концерты куя. Чираттагы концертыбыз "Тормыш яме- яшәү тәме" дип аталды. Укучыларының дәртле биюләре, моңлы җырлары  әти-әниләргә, авыл халкына бик ошады.

Мәктәптә  Габдулла Тукай иҗатын чагылдырган күргәзмә ясалды.

Туган тел айлыгы кысаларында 1-4 сыйныф укучылары арасында "Тукай әкиятләрен рәсемгә төшерәбез" дигән рәсем парады узды. Укучылар үзләре яраткан әкиятләрне рәсемгә төшерделәр.Соңыннан "иң оста рәсем ясаучы" укучыны ачыкладылар һәм ясалган рәсемнәрдән күргәзмә оештырылды.

Мәктәптә туган тел айлыгы дәвам итә. Айлык кысаларында татар теле укытучылары Хәлимә Нурисламовна һәм Роза Александровналар татар теленнән ачык дәресләр күрсәттеләр.

Бүген мәктәп куләмендә ярминкә узды. Ярминкәдә  ниләр генә юк иде. Сатып алучылар арасында  укучылар белән беррәттән укытучыларны, әти-әниләрне дә күрергә мөмкин иде.

"WorldSkillsBaltasi Junior-2019" конкурсының муниципаль этабында катнаштык. Укучыларыбыз төрле профессияләр буенча үзләрен сынап карадылар. Нәтиҗәләребез: секретарь- 1 урын, повар-кондитер-3 урын, маникюр- 3урын, кирпеч салучы- 3 урын, авыл хуҗалыгы машиналары буенча- 2 урын, татар ашлары- 3 урын.

Киләсе уку елында мәктәпкә укырга  керүчеләр һәр шимбә саен әзерлек дәресләренә йөри башладылар.

Мәктәпкә төрле уку йортларыннан кунаклар килеп тора. Алар укучыларны үзләре эшли торган уку йорты, әлеге уку йортында бирелә торган профессияләр, уку йортына керү тәртибе белән таныштыралар. Шундый кунакларның берсе районыбызда урнашкан һөнәр лицееннан килде. Ул 9 сыйныф укучылары өчен лицейда алырга мөмкин булган  профессияләр белән таныштырды.

12 апрель-Космонавтика көне уңаеннан  тәрбия сәгатьләре узды. Укучыларга космонавтика тарихы турында сойләнде, презентация күрсәтелде.