Бүген Бөек Тукаебызның туган көне. Әлеге уңайдан  мәктәптә искә алу кичәсе узды. Укучылар Тукайның шигырьләрен сөйләделәр, әкиятләрен искә төшерделәр.

Бүген татар теле һәм әдәбияты укытучысы Роза Александровна 6 сыйныфларда, антонимнар темасына ачык дәрес күрсәтте.

10 сыйныф укучысы Сафиуллина Лилия "Илһам" дип исемләнгән Бөтенроссия яшь язучылар бәйгесендә катнашты һәм лауреат булды. Бүген ул Казан шәһәрендә, әлеге бәйгенең йомгаклау тантанасында катнашты

5 һәм 6 сыйныф укучылары да берничә фәннән ВПРлар эшлиләр. Буген 5 сыйныфлар рус теленнән үзләренең белемнәрен тикшереп карадылар.

Укучыларыбыз Г.Тукай иҗатын өйрәнүне дәвам итәләр. Башлангыч сыйныф укучылары Тукай әсәрләрен рәсемнәрдә чагылдырдылар. Әлеге рәсемнәрдән күргәзмә ясалды, алдынгы урыннарга чыгучыларга мәктәп грамоталары тапшырылды.

Дүртенче сыйныф укучылары  ВПРны узган атнада рус теленнән эшләгән булсалар, бүген математикадан эшләделәр. 

10 сыйныф укучысы Ахмадуллина А. тарих укытучысы Гөлчәчәк Ильфаковна җитәкчелегендә, Кукмара районында,  Җамалетдин Бикташи исемендәге  туган якны өйрәнү буенча оештырылган 3 нче регионара фәнни-гамәли  конференциядә катнаштылар һәм 3 урынны яуладылар.

Бүген,  мәктәпнең укыту тәрбия планы нигезендә, татар теле укытучысы Хәлимә Нурисламовна ачык дәрес уздырды. Ул 6 сыйныфларда  "алмашлыкларны гомумиләштереп кабатлау" темасына дәрес күрсәтте.

Укучыларыбыз арм спорт түгәрәгенә теләп йөриләр. Әлеге юнәлештә уздырылган ярышларда еш катнашалар һәм призлы урыннар яулыйлар. Шундый ярышларның чираттагысы Чаллы шәһәрендә узды. Биредә дә безнең мәктәптән Салахетдинова Э., Аскарова Л., Габдулхакова Р., Свиридов А., Галимуллин  А. катнашты һәм барысы да призлы урыннар яуладылар.