География укытучысы Шәйхиева Г.С. табигать фәннәре атналыгы уңаеннан 7 нче сыйныфлар өчен географик үзуен оештырды. Укучылар үзләренең географиядән белемнәрен тикшерделәр, бик күп файдалы яңалык алдылар.

Табигать фәннәре атналыгы кысаларында 5-6 сыйныфлар өчен"Эрудитлар ярышы" интеллектуаль уены үткәрелде. 5 сыйныфтан Гөлшат, Рәмзия - 1 урын, 6 сыйныфтан  С.Алсу, Гөлфинә, Гөлсөя - 2 урын, 6 сыйныфтан Ю Алсу - 3 урын.

Тәрбия сәгатендә география укытучысы Шәйхиева Г.С. 6-9 сыйныфлар өчен экологик дәрес уздырды. Дәрестә каен агачы, аның кулланылышы, файдалы яклары турында бик күп информация бирелде.

Химия атналыгы кысаларында химия укытучысы Кәбирова Р.М. 1-5 сыйныфлар өчен "Могҗизалы химия илендә" дип исемләнгән дәрес уздырды.

Түбән Кама шәһәрендә үткәрелгән "Туган телем - серле тел" шигырь сөйләүчеләр конкурсында 3 нче сыйныф укучылары Шәйхиева Язгөл 3 нче дәрәҗә дипломга һәм Гозәерова Ризәлә катнашучы сертификатына ия булдылар. Укытучылары: Әхмәтханова Ә.М. 

Башлангыч сыйныфлар атналыгында оештырылган  "Яз килә" рәсем конкурсының җиңүчеләре.

8 нче март көнне авылда зур бәйрәм - Тау бәйрәме үткәрелде. Бәйрәм чараларга бай булды: кемдер туйганчы тау шуды,  кемдер коймак белән чәй эчте, башка спорт ярышларында катнашты... Кыскасы, бәйрәм бик күңелле булды.

8 нче март көнне Арбор мәктәбе спорт залында хатын-кызлар арасында волейбол ярышы булып узды. Ярышта барысы 5 команда катнашты. Нәтиҗәләр түбәндәгечә: 1 урын - Яшьләр командасы, 

                                                                                       2 урын - Арбор мәктәбе кызлар командасы

                                                                                       3 урын - Чепья мәктәбе командасы

                                                                                        4 урын - студентлар

                                                                                        5 урын - ООО "Арбор" җәгыятендә эшләүчеләр.  

4 нче сыйныф укучылары 8 нче март бәйрәмен әниләр катнашында уздырдылар. Бәйрәмгә укучылар да, укытучы апалары да ныклап әзерләнгәннәр. Балалар җырлап-биеделәр, әниләр белән төрле уеннар уйнадылар. Укучыларда да , әниләрдә дә бәйрәм матур хисләр калдырды.

Балалар бакчасының мәктәпкә әзерлек төркеме танышу өчен мәктәпкә керде. Алар ашханә, китапханә, уку бүлмәләре, спорт залында булдылар.