1998-99 нчы елгы егетләр арасында оештырылган волейбол ярышында мәктәбебез командасы 3 нче урынга яулады. Тренерлары: Галимов И.М.

3 нче чирек нәтиҗәләре белән таныштыру, алдагы эшләрне планлаштыру өчен сыйныфларда әти-әниләр җыелышлары уздырылды. 15 мартта башланып киткән IT-чемпион конкурсы турында да ата-аналарга аңлату эшләре үткәрелде.

"Табигатьне ачучылар" курсында 5 сыйныф укучылары карга анализ ясадылар. Юл кырыендагы карда катнашмаларның күп булуы ачыкланды.

Спорт сөюче егетләребез каникулда да ял итеп кенә ятмаганнар, төрле ярышларда  катнашып, күп кенә призлы урыннар яулаганнар.

Катнашырга теләге булган укучыга хәзер конкурслар  бик күп: интернет аша да, тест формасында һ.б. 1 нче сыйныфтан Аухадиев Илдан, 4 нче сыйныфтан Галләмов Алмаз - интернет конкурсларда төрле дәрәҗәдәге бүләкләр алучылар.

1999-2001 нче елгы егетләр һәм кызлар арасында Ф.Ф.Гайнетдинов призына армспорт ярышында 6 нчы сыйныф укучысы Сабитова Алсу 2 нче урынны яулады. Тренеры: Галимов И.М.

15 март көнне Яңгул авылында Гәбделфәрт Рәфыйков истәлегенә көрәш уздырылды. Мәктәбебезнең сәләтле көрәшчеләре Кәбиров Фәнис - 1 нче, Хәйруллин Әмир - 2 нче урыннарны яуладылар. Афәрин, егетләр! Тренерлары: Гобәйдуллин Д.Д.

Рәсемдә: Табигать фәннәре атналыгында бирелгән химия һәм география буенча викторина сорауларына иң төгәл җавап бирүчеләр.

Табигать фәннәре атналыгында башлангыч сыйныфлар арасында кош рәсемнәре ясау буенча конкурс оештырылды. Рәсемдә: һәр сыйныфтан иң матур рәсем ияләре.

9 сыйныф укучылары Хасанова Әдилә һәм Хәйруллина Гөлия республикакүләм "Шаги в науку" конференциясендә катнаштылар. Җитәкчеләре: Кәбирова Р.М.