ООО "Арбор" призына үткәрелгән көрәштә призлы урыннар яулаучылар.

Бүләк алучылар.

Мәктәбебезгә кабат көрәшчеләр җыелды: ООО "Арбор" призына укучылар арасында ярышлар уздырыла.

9 сентябрь - "Сәламәтлек көне" уңаеннан укучылар оешмасы  сәламәтлек  сәгатьләре үткәрде. Укучыларга начар гадәтләр турында эчтәлекле, кирәкле мәгълүмат тапшырылды.

"Финанс нигезләре" көне кысаларында мәктәптә РОСГОСстрах агенты Баязитова Разия Гамбәровна белән очрашу үткәрелде. "Иминиятләштерү: бүген һәм иртәгә" дип аталган сөйләшүдә Разия апа укучыларга иминиятләштерүнең ни өчен кирәклеген аңлатты, сорауларга җавап бирде.

Уку елы башлану, бу елдагы үзгәрешләр, планнар, бурычлар турында сөйләшү өчен әти-әниләр мәктәпкә җыелды.

Сыйныфларда Беслан терактына 10 ел булуга багышланган тәрбия дәресләре үткәрелде.

5-7 нче сыйныф укучылары "Минем кече Ватаным" темасы астында очрашу үткәрделәр. Кунак булып укучыларның әбиләре - матур, намуслы эшләре белән авыл йөзе булып торучылар килде. Әбиләр үзләренең мәктәп елларын, балачакларын  искә төшерделәр, балаларга матур теләкләрен җиткерделәр.

Бүген мәктәбебездә гөрләп Белем бәйрәме үтте. Бәйрәмгә кунак булып ООО Арбор җәмгыяте рәисе Баязитов Х.С. һәм район сакчыллык бүлеге җитәкчесе Хәйретдинов А.Ф. килделәр, укучыларга үзләренең матур теләкләрен җиткерделәр, бүләкләр тапшырдылар. 1 нче сыйныфка керүче 9 укучыга һәм бик яхшы билгеләренә генә укучыларга Хәмит Сәетович бик матур, кирәкле бүләкләр бирде.   

2014-15 нче уку елына 1 сыйныфка 9 укучы керә. Аларны Гайфуллина Э.Г. кабул итеп алачак. Булачак укучыларга ООО "Арбор" җәмгыяте бүләкләр әзерләде. 1 сентябрь - Белем көнен  бәйрәм итәргә барыгызны да  9. 00 сәг тә мәктәпкә чакырабыз. Шулай ук бу көнне "Минем кече Ватаным" исеме астында сыйныфларда очрашулар да үткәреләчәк.