Беренче Чечня сугышы башлануга 20 ел тулу уңаеннан районнан килгән вәкилләр, укучылар зиратта булдылар,  һәлак булган авылдашыбыз Хәкимов Заһирның каберенә чәчәкләр, венок  куйдылар.

9 декабрь - Батырлар көне уңаеннан тарих һәм җәмгыять белеме укытучысы Гайфуллин Г.Г. укучыларга "Батырлар безнең тирәдә" дип аталган тәрбия сәгате уздырды. 

Мәктәпкә очрашуга Чечен сугышында катнашкан орденлы  авылдашыбыз Сабитов Марат Нурмөхәммәт улы килде. Укучыларга  сугышта катнашкан 3 полкның берсенең юкка чыгуын әйткән вакытта, батырның күзләренә яшьләр килде. Марат абыйга алдагы тормышында бары тик тынычлык, бәхет-шатлыклар гына телибез.

Математикадан олимпиаданың район этабында призер булган Язгөлне чын күңелдән  белән котлыйбыз, алга таба да уңышлар телибез.

1 декабрь - Спидка каршы көрәш көне уңаеннан профотряд членнары укучылар белән СПИД, аның зарары турында әңгәмә үткәрделәр.

6 нчы сыйныф укучысы Аскаров Нияз Теләчедә уздырылган көрәш ярышында 3 нче урынны алып кайтты.

Мәктәп буенча 5 нче сыйныфлар оештыруында Әниләр бәйрәме үткәрелде. Бәйрәм концерт номерлары, уеннар белән үрелеп барды.

Барлык сыйныфлар да Әниләр бәйрәменә багышлап газеталар чыгарды.

Мәктәпкә әти-әниләр дәресләргә килде: 3 сыйныф укытучысы Әхмәтҗанова А.Ш. яңа укыту алымнарын кулланып дәрес алып бара.

Мәктәбебездә район рәсем укытучыларының семинар-киңәшмәсе узды. Рәсем укытучысы Гарипова Л.Р. бик матур дәрес һәм ачык чара үткәрде.