8 нче октябрь көнне район мәдәният үзәгендә уздырылган Укытучылар бәйрәмендә математика укытучысы Фәләхов Г.Г. - РФ Мактау грамотасы, татар теле һәм әдәбияты укытучысы Мифтахова Р.Б. - район мәгариф идәрәсенең Мактау грамотасы белән бүләкләнделәр. Аларны чын күңелебездән бу зур бүләкләре белән котлыйбыз, эшләрендә алга таба да уңышлар, сәламәтлек телибез.

1999-2000 нче елгы егетләр арасында район күләмендә узган волейбол ярышында мәктәбебезнең егетләр командасы 2 нче урынны яулады. Тренерлары: Галимов Илдар Мөхәммәтнаил улы.

3 нче сыйныф укучылары сыйныф җитәкчеләре Алсу Шайхулловна белән көзге табигатькә экскурсиягә чыктылар.

Өлкәннәр декадасы кысаларында китапханә мөдире Һадиева Рафилә апай 5 нче сыйныф укчылары белән бик матур, эчтәлекле кичә уздырды. Кичәгә кунак булып укучыларның әбиләре килгән иде. Алар үзләренең мәктәп еллары истәлекләре белән уртаклаштылар. Соңыннан барысы бергә тәмле итеп чәй эчтеләр.

Өлкәннәр көне уңаеннан барлык сыйныфлар да әби-бабайларга күчтәнәчләр һәм матур теләкләрен җиткереп кайттылар. 7 нче сыйныфларга Миңлегөл әби бик зур рәхмәтләр әйтеп калды.

Физкультурадан олимпиаданың мәктәп турының практика өлешен тапшырабыз.

ГТО нормаларын график нигезендә тапшыру дәвам итү.

"Тәрбиячеңне котла" акциясе кысаларында укучылар балалар бакчасына кереп тәрбияче апаларын котладылар.

1 нче сыйныфларны юл йөрүчегә кабул итү бәйрәме оештырылды. Кунак булып Фәргат абый,  бүләкләр алып, үзе килгән.

1 нче сыйныф укытучысы Гайфуллина Э.Г. "Светофорда кунакта"  дип исемләнгән ачык чара үткәрде.