"Китапка икенче тормыш бүләк ит" акциясенең җиңүчеләре.

7 сыйныфлар әти-әниләр белән Мари-Төрәкнең Боз сараенда булдылар.

1 нче сыйныфлар укытучысы Гайфуллина Э.Г. әти-әниләргә математикадан ачык дәрес үткәрде. Укучылар "5" саны турында өйрәнделәр.

1 сыйныф укучыларына авыл китапханәсендә "Мәдәни көндәлек" тапшырылды. Китапханәче Рафилә апа балаларга китап турында сөйләде, әкиятләр укыды. Укучылар бергәләп ребуслар чиштеләр, табышмакларга җаваплар эзләделәр.

9 сыйныфларның әти-әниләр җыелышы барлык укытучылар катнашында узды. 2015 нче елгы имтиханнарга әзерлек буенча һәр укучыга анализ ясалды, төп фәннәрдән имтиханнардагы үзгәрешләр ассызыкланды. Имтиханнарга әзерлекне өйдә дә алып барырга кирәклегенә басым ясалды.

Мәгариф хезмәткәрләренең беренче спартакиадасының гомуми нәтиҗәләре буенча 9 урынга лаек булган мәктәбебез командасын котлыйбыз. Сәламәтлек, алга таба да уңышлар телибез.

Бүген мәктәбебез элеккеге традицияләрне яңартты: байрак тотып, быргы яңгыравы  һәм барабан тавышы астында Халыклар бердәмлеге көне билгеләп үтелде.

2 нче сыйныфларны Эзтабарлар сафына кабул иттек.

Башлангыч сыйныфлар өчен 8 нче сыйныфлар "Күңелле стартлар" ярыш-эстафетасын оештырдылар.

1 нче чирек ахырында һәр елдагыча мул табыннар артында уңыш ашы үткәрелде. Табын бик бай, ризыклар бик тәмле булды. Пешерүче апайларга һәм табындагы тәмле-татлы ризыклар алу өчен спонсорлык ярдәме күрсәткән шәхси эшмәкәр Мостафин Ришатка, ООО "Арбор" җәмгыятенә, аның җитәкчесе Баязитов Х.С. ка барлык укучылар һәм укытучылар зур рәхмәтебезне җиткерәбез.