Бүген лагерьда күңелле очрашу булды. Инглиз теле укытучысы Галиева З. И. балаларны Англиягә читтән  торып сәяхәткә алып барды. Инглиз телендә уеннар уйнау, "Инглизчә беләсеңме?" дип исемләнгән КВН да балалар күңеленә хуш килгәндер дип уйлыйбыз. Тәмле әбәттән соң, балалар Андерсен әкиятләренә рәсем ясадылар. 

"Россияда - Әдәбият елына" карата Ш.Мәрҗани музеена үткәрелгән сәяхәттән соң, сәнгатьле шигырь укучылар конкурсы булып узды. "Утлы еллар кайтавазы" дип исемләнгән конкурста балалар сугышта катнашкан шагыйрьләрнең әсәрләрен укыдылар. Мәктәп яны тәҗрибә участогында эш дәвам итә. "Яралы балачак" китабыннан өзекләр тыңладылар. Отрядлар арасында футбол ярышы үткәоелде.

Татарстан пионериясенә-92 ел тулу уңаеннан пионер атрибутлары, символлары, тарихы искә төшерелде, җырлар, уеннар өйрәнелде. "Яралы балачак" китабына презентация үткәрелде. Китапка кертелгән  авылдашыбыз Камилә апа Мөхәммәтҗанованың "Йөрәкләр сыкрады" мәкаләсе белән таныштык.

"2015 ел - Татарстанда Парклар һәм скверлар елы " уңаеннан викторина үткәргәннән соң, ял итүчеләр Ашыт елгасы буена экскурсиягә кузгалдылар. Балык тотып, туризм серләрен ачыклап, рәхәтләнеп ял иттеләр.Хезмәт лагеренда йөрүчеләр мәктәп яны тәҗрибә участогында эшләүләрен дәвам итәләр.

Бүген 9 класс укучылары рус теленнән ОГЭ тапшырдылар.

Сәламәтлек минуты "Тешләрегезне саклагыз" темасына багышланды.Хәзинә эзләү, детектив фильм карау балаларга бик ошады. Шашка ярышы үткәрелде.Кул эшләре түгәрәгендә дә теләп шөгыльләнделәр.

Иртәнге зарядкадан соң лагерьны ачу тантанасы үткәрелде. Балалар отряд почмаклары ясадылар, "Исәнме, лагерь!" дискотекасында рәхәтләнеп биеделәр.

Бүген, Күшәр төп белем бирү мәктәбе каршында оештырылган "Әкият" лагере үзенең эшен башлап җибәрде.Ял һәм сәламәтләндерү лагерена 24 бала, хезмәт лагерена 5 бала йөри. Балаларга күңелле, имин яллар теләп калабыз.

Бөек Җиңүнең 70 еллыгына багышланган  "Дуслык учагы-2015"  фестивалендә  үткәрелгән ярышларда мәктәбебез командасы  "Салют, Победа" отчет-презентация" номинациясендә 3 нче урын яулады. Котлыйбыз аларны!

Укучыларыбыз елдагыча уку елы ахырында табигатькә кунакка чыга. Бүген дә 5 нче сыйныфлар бу матур традицияне бозмыйча, көннәрен күңелле үткәреп кайттылар.