Мәктәптә Габдулла Тукай туган көненә багышланган “Габдулла Тукай – татар халкының бөек улы” дип исемләнгән бәйрәм кичәсе булды. Укучылар шагыйрь тормышы турында белемнәрен тагын да тирәнәйттеләр, шагыйрьнең иҗаты турында күзаллауларын үстерделәр. “Туган тел” җыры хор белән башкарылды.

Бүген мәктәптә "Язгы изгелек атнасы" дип аталган акциягә йомгак ясалды. Укучылар бу акциядә теләп катнаштылар. Шулай ук линейкада Җиңүнең 70 еллыгын каршылау буенча бурычлар куелды.

27 нче апрель көнне 4 нче класс укучылары белем дәрәҗәсен билгеләү буенча мониторинг үттеләр. Әйләнә-тирә фәненнән йомгаклау эше эшләделәр.

Бүген "Язгы изгелек атнасы" кысаларында мәктәптә бәйрәм рухын 8 класс укучылары һәм аларның класс җитәкчесе Сафарова Зөлфия Гарифуловна тудырды. Алар матур җыр - биюле, шаян сүзле чыгышлары белән һәркемнең күңеленә хуш килерлек Гаилә бәйрәме үткәрделәр.

25 апрель–Татарстанда Агач утырту көне. Халык күңелендә изге исемең калсын дисәң, агач утырт, диләр. Бүген мәктәбебездә агач утырту көне булды. Без чыршы, нарат үсентеләре утырттык. Бу изге эштән берәү дә читтә калмады.

Бүген мәктәбебез укучылары мәктәп территориясен җыештыру белән шөгыльләнделәр. Җирләр кипкәч  авыл урамнарын, дамба буйларын да чистартырга планлаштырабыз.

4 нче класс укучыларының белем дәрәҗәсен тикшерү буенча мониторинг дәвам итә. Укучылар бүген математика фәненнән йомгаклау эше эшләделәр.

Бүген мәктәптә  “Китап докторлары” операциясе  үткәрелде. 6-7 сыйныф укучылары бик тырышып “авыру” китапларны дәваладылар.