Бүген 9нчы сыйныф укучылары имтиханнарына әзерләнү максатыннан Рус теленнән ОГЭ эшләре эшләделәр.

Мәктәп күләмендә укучылар һәм укытучылар тарафыннан җыелган дару үләннәрен туплап куйдык.

Мәгариф һәм фән министрлыгы  күрсәтмәсе  нигезендә 4, 6, 8 нче  класс укучылары татар  теленнән  диагностик тест  узды . Тест  укучыларның  белем  сыйфатын  тикшерү  максатыннан  үткәрелде.

Хокук айлыгы кысаларында мәктәбебездә хокук бозуларны булдырмау максатыннан, районның балигъ булмаганнар эше буенча комиссия секретаре Найлә Баһаутдинова җитәкчелегендә очрашу үтте.

Башлангыч класс укучылары "Дөньяда иң зур дәрес" дип аталган класс сәгате үткәрделәр. Анда физик кимчелеге булган кешеләрнең спорт, фән, әдәбият, сәнгать өлкәсендәге уңышлары турында сөйләштеләр.

Әтнә муниципаль районы укытучылары арасында уздырылган Спартакиадада пневматик винтовкадан ату ярышында 2 нче урын яулаган хезмәттәшебез Самигуллина Резеда апаны котлыйбыз!

ГТОны пропагандалау максатыннан әледән-әле төрле уеннар, чаралар үткәрелә.

Бүген мәктәбебездә интернет челтәрендә куркынычсызлык дәресләре уздырылды. Дәресне информатика укытучысы Мөхәмәтгалиева Эльвира Наил кызы алып барды.

19–20 октябрьдә Яңа Шашы урта мәктәбе базасында Куңгәр, Яңа Шашы урта мәктәбе һәм Күшәр төп мәктәбе укытучылары өчен семинар –тренингының 3 этапы узды. Тренингны  Лилия Хәмитовна, Галия Салиховна һәм Зөлфия Наилевна үткәрделәр. Ә тренингны Сингапур кунагы  күзәтчелек итте. Укытучылар кабаттан үзләренә бик күп файдалы мәгълүмат алдылар.

Күшәр төп мәктәбендә ГТО нормаларын тапшыру булды. Һәркем бу җаваплы эшкә җитди карады. Нәтиҗәдә югары уңышларга ирештек.