Бүген мәктәбебездә интернет челтәрендә куркынычсызлык дәресләре уздырылды. Дәресне информатика укытучысы Мөхәмәтгалиева Эльвира Наил кызы алып барды.

19–20 октябрьдә Яңа Шашы урта мәктәбе базасында Куңгәр, Яңа Шашы урта мәктәбе һәм Күшәр төп мәктәбе укытучылары өчен семинар –тренингының 3 этапы узды. Тренингны  Лилия Хәмитовна, Галия Салиховна һәм Зөлфия Наилевна үткәрделәр. Ә тренингны Сингапур кунагы  күзәтчелек итте. Укытучылар кабаттан үзләренә бик күп файдалы мәгълүмат алдылар.

Күшәр төп мәктәбендә ГТО нормаларын тапшыру булды. Һәркем бу җаваплы эшкә җитди карады. Нәтиҗәдә югары уңышларга ирештек.

22 нче октябь көнне Күшәр укытучылары коллективы, Казанга барып, И.Зәйниевның "Мәхәббәт FM" комедиясен карап, күңелле ял итеп кайттылар.

Профориентация эше мәктәптә тәрбия бирүнең төп юнәлешләреннән санала. Ул дәресләрдә, класстан тыш кичәләрдә тормышка ашырыла. Укучыларның һөнәрләргә карата кызыксынуын, сәләтен, эшче һөнәрләрнең популярлыгын арттыру максатыннан  бүген 7-8 нче класс укучылары һөнәри юнәлеш буенча тест эшләделәр.

Республикабызда башлангыч сыйныф укучыларына мәдәни көндәлек тапшырылды. Күшәр төп белем бирү мәктәбендә дә бердәм мәдәни дәрес үткәрелде.

10нчы октябрь көнне "Казан" агропром паркында уздырылган ярминкәдә, Күшәр мәктәбенең тәҗрибә участогында үстерелгән яшелчә-җимешләребезне шәһәр халкына тәкъдим иттек.

Бу атна давымында  макулатура җыю өмәсе бара.

Мәктәбебез "Подари книге вторую жизнь" акциясендә катнаша.

Укытучылар көне уңаеннан укучылар мәктәптә укытучыларны котлау чарасы оештырдылар, алар хөрмәтенә концерт куйдылар.

Укытучыларыбызны ихлас күңелдән укытучылар көне белән котлыйбыз. Авыр, әмма җаваплы һәм мактаулы эшегездә зур уңышлар, саулык-сәламәтлек, бәхет, шатлык, озын гомер телибез.