Бүген, 27 нче декабрь көнне, Күлле Киме төп мәктәбе укучыларының  иң-иңнәре Әтнә мәдәният йортында кунак булдылар. Балаларны ишек төбендә Кыш бабай  белән Кар кызы каршы алды. Укучылар бик күңелле спектакль карап, бүләкләр алдылар.

5-9 нчы сыйныф укучылары арасында "Уйныйбыз да, җырлыйбыз да яшел чыршы янында" дип исемләнгән бал - маскарад булып узды. Укучыларыбыз Кыш бабай һәм Кар кызы белән күңел ачтылар

Буген 1-4 класс укучылары "Хуш киләсең, Яңа ел!" исемле тамаша күрсәттеләр. Бәйрәмебезгә әти-әниләр, кунаклар килгән иде. Балалар шигырьләр сөйләделәр, җырлар җырладылар, биеделәр. Кыш бабай белән Кар кызын да биеттеләр.Елларыбыз тыныч булсын, барыбыз да сәламәт булсак иде.

Татарстан Президенты Рөстәм Миңнеханов катнашындагы Республика чыршы бәйрәме 25 декабрьдә 13.00-15.00 сәгатьтә «Татнефть-Арена» боз сараенда узды..Анда безнең мәктәпнең 9 нчы сыйныф укучысы Гыйниятова Адилә булып кайтты

Әтнә үзәк китапханәсендә укучыларыбызга "Яңа ел композициясе" дип исемләнгән осталык дәресе үткәрелде. Алар  үз куллары белән табигый материаллаодан кечкенә генә кышкы могҗиза тудырдылар. Кичә барышында укучыларны Кыш бабай белән Кар кызы Яңа ел бәйрәме белән котладылар һәм бүләк тапшырдылар. Яңа ел кәефе бүләк иткән өчен китапханә хезмәткәрләренә рәхмәтебезне белдерәбез.

8 нче сыйныф укучылары  тантаналы рәвештә  паспорт алдылар. Аларны котларга миграция пункты җитәкчесе Реваль Илгиз улы, ГИБДД хезмәткәре Рамил Дамир улы, участковый Ренат Рафис улы килделәр. Кичә бик җылы атмосферада файдалы һәм кызыклы үтте. Балалар күп сорауларга җавап алдылар. 

Укучыларыбыз командасы бадминтон ярышында  төп мәктәпләр арасында 1 нче урын яуладылар һәм кубок алдылар. Шәхси беренчелектә 8 нче сыйныф укучылары сы Закиров Илназ 1 нче урын, Хәмитов Дәниф 2 нче урын, 9 нчы сыйныф укучысы Гыйниятова Адилә 2 нче урын алдылар. Укытучылары : Хәмидуллин Р.Р. Уңышлары белән кайнар котлыйбыз!!!