А.С.Пушкин (1799-1837)  – 19 гасырның иң күренекле  шагыйре, драматург, прозаик, реалистик юнәлешкә нигез салучы,  әдәби тәнкыйтьчесе.   6 июнь көнне  С.Хәким музеенда,  халыкара Рус теле көне уңаеннан, “Пушкин әкиятләре” дип аталган кичә үткәрелде. Мәктәп укучылары һәм каникулга кунакка кайткан балалар  А.С.Пушкин иҗаты буенча презентация карадылар , әкиятләре турында фикер алыштылар. Соңыннан әкиятләр буенча конкурс булды, иң күп сорауларга җавап бирүчеләр билгеләнде. Бәйрәм ахырында Пушкин әкиятләреннән төзелгән мультфильм карадылар.
     

4июнь – Лена Галимҗан кызы Шакирҗанованың тууына 78 ел тулу уңаеннан, Сибгат Хәким музеенда әдәби -музыкаль  кичә үткәрелде. Күлле Кименең өлкән яшьтәгеләре, балалар аның иҗаты белән танышты: шигырьләрен балалар да, кунакка килүче өлкәннәр дә сөйләде. Сафина Әдилә бәйрәмне алып барды, сәнгатьле итеп шигырен укыды. Л. Шагыйрьҗанның классташы, 3 ел бергә укыган  Оркыя Әхмадуллина аның турында истәлекләре белән уртаклашты, Гүзәлия Йосыпованың җырлавын, 3 класс укучысы Ания Зарипованың чыгышын бик яратып тыңладылар. Сөйләшү чәй өстәле артында дәвам итте. Соңыннан истәлеккә фотога төштеләр.
 

31 нче май көнне Сибгат Хәким исемендәге Күлле Киме мәктәбендә, 2023 ел- укытучы һәм остаз елы уңаеннан, зур очрашу кичәсе булды. Мәктәбебезгә төрле елларда укыткан ветеран укытучылар кунакка килде. Һәрберсе үзенең хатирәләрен яңартты. Очрашу бик җылы һәм күңелле үтте

   31 мая в МБОУ "Кулле- Киминская ООШ " состоялся   вечер встречи, посвященный 2023 году - Году педагога и наставника. В гости  пришли учителя-ветераны, которые в разные годы преподавали в нашей школе.

Укучыларыбыз белән гадәттән тыш эшләр бүлеге вәкиле Хакимуллин Азат очрашты. Ул аларга җәйге ялларда уз-узләрен ничек тотарга, ниндидер уйламаган хәл килеп чыкса кая шалтыратырга кирәклеген аңлатты 

29 май көнне мәктәптә ана-аналар җыелышы үткәрелде. Мәгариф бүлегеннән Халикова Г.З һәм МЧС вәкиле Хакимуллин А. ана-аналарны җәйге чорда куркынычсызлык кагыйдәләре белән таныштырды. Укучыларга һәм әти-әниләргә куркынычсыз, файдалы, имин җәйге яллар теләде.

4 нче сыйныф укучылары өчен башлангыч сыйныф белән саубуллашу кичәсе булды. Сыйныф җитәкчесе Латыйпова Гөлназ Әһлиулла кызы тарафыннан әти-әниләргә, укучыларга матур бәйрәм үткәрелде.

Көндезге лагерьда белем һәм тәрбия бирү, сәламәтләндерү эшләре берничә юнәлеш буенча башкарыла. . 2 отряд оешкан. Башлангыч сыйныф укучылары барысы да рәхәтләнеп ял итә.

Укучыларыбыз Ямәширмәдә урнашкан "Татар страусы"фермасында походта булып кайттылар. Алар анда төрле кош-кортлар, хайваннар, страусларны карадылар, суда көймәдә йөзделәр

2023 нче елның 23 нче маенда яшь буынга белем һәм тәрбия бирүдә нәтиҗәле эшләгәне өчен Сибгат Хәким исемендәге  Күлле Киме төп гомуми белем мәктәбенең башлангыч сыйныф укытучысы Латыйпова Гөлназ Әһлиулла кызы Әтнә район Советының Рәхмәт хаты белән бүләкләнде. Котлыйбыз!!!

2023 нче елның 23 нче маенда яшь буынга белем һәм тәрбия бирүдә нәтиҗәле эшләгәне өчен Сибгат Хәким исемендәге  Күлле Киме төп гомуми белем мәктәбенең укыту эшләре буенча директор урынбасары Нуриева Гөлчәчәк Рөстәм кызы район мәгариф бүлегенең Рәхмәт хаты белән бүләкләнде. Котлыйбыз!