2023 нче елның 25 нче мартында укучыларыбыз Түбән Көек төп гомуми белем мәктәбе базасында узган «Без бергә» халык иҗаты республика балалар фестиваленең муниципаль этабында катнаштылар. 2 нче сыйныф егетләре мари биюе белән 3 нче дәрәҗә дипломант (җитәкчеләре: Вәлиева М.Р.), Газимова Рүфинә башкорт биюе белән 2  нче дәрәҗә дипломант (җитәкчесе: Юсупова Г.И.), Степанова Ксения 2  нче дәрәҗә дипломант (җитәкчесе: Закирова К.Г.), "Сылу кызлар "дуэты 2  нче дәрәҗә дипломант (җитәкчесе: Гайнутдинова Г.С..), Сабирова Фирүзә 3  нче дәрәҗә дипломант (җитәкчесе: Гайнутдинова Г.С.), Зарипова Ания 3  нче дәрәҗә дипломант (җитәкчесе: Юсупова Г.И..) иеме алдылар һәм диплом белән бүләкләнделәр. Котлыйбыз!!!

Мәктәбебездә башлангыч сыйныф укучылары катнашында "Роберт  Миңнуллин иҗаты буйлап..."дип исемләнгән шагыйрьне искә алу кичәсе узды. Аны башлангыч сыйныф укытучысы Йосыпова Г.И. үткәрде. Укучылар чыгышы презентация һәм истәлекләр белән үрелеп барды.

23 март көнне Күлле Киме мәктәбенә Әтнә Туган якны өйрәнү музее һәм филиалы хезмәткәрләре музей экспонатларыннан төзелгән “Үткәннән – киләчәккә” дип аталган күчмә күргәзмә белән килде. Алар укучыларга борынгы эш коралларының тарихы һәм аларны куллану ысуллары  турында презентация ярдәмендә сөйләделәр.

Район мәгариф системасында нәтиҗәле эшләгәне өчен  мәктәбебезнең физика укытучысы Паутов Марат Эдуард улы район мәгариф бүлегенең Рәхмәт хаты белән бүләкләнде

Мари Иле Республикасы Бәрәңге районында билбау көрәше буенча ачык чемпионат булды. 6 нчы сыйныф укучысы Газимов Ранис (тренеры: Шәрәфиев Р.И.) 40 кг авырлыктагы егетләр арасында җиңү яулады. Грамота, медаль, акчалата бүләк алды. Котлыйбыз! 

Мари Иле Республикасы Бәрәңге районында билбау көрәше буенча ачык чемпионат булды. 3 нче сыйныф укучысы Газимова Рүфинә (тренеры: Шәрәфиев Р.И.) 40 кг авырлыктагы кызлар арасында җиңү яулады. Грамота, медаль, акчалата бүләк алды. Котлыйбыз! 

Мәктәбебездә "Хыял" театр түгәрәгенә йөрүче укучылар А. Алишның "Сертотмас үрдәк" әкиятен сәхнәләштерделәр. Җитәкчеләре : Гайнетдинова Г.С. Укучылар бик оста итеп рольләргә керделәр, үзләренең осталыкларын күрсәттеләр. 

"Әтнә йолдызчыклары - 2023" районкүләм эстрада фестиваленең зона этабы  булып узды.  Хөснетдинова Иркә белән Хөсәенов Ислам "Конферанс" номинациясендә уңышлы чыгыш ясадылар. (җитәкчеләре : Хөсәенова Р.Р.) Аларны котлыйбыз! 

15 нче март көнне мәктәбебездә Укытучы һәм остаз елын ачып җибәрдек. "Кулларында яшәү дилбегәсе, кулларында бала язмышы" дип исемләнгән кичә бик җанлы үтте. Укучылар шигырьләр сөйләделәр, җырлар җырладылар. Сабирова С.Ә. мәктәп салыну тарихы, укытучылар династиясе турында сөйләде. Сафина Р.Р.  укытучыларга сораулар биреп, хатирәләрне яңартты. Хамидуллина И.В. укытучыларны котлап, китаплар тапшырды 

Казан аграр университеты базасында укучылар арасында "Фән һәм Татарстан яшьләре - алга таба адым" исеме астында фәнни-гамәли конференция узды. 7 нче сыйныф укучысы Хөснетдинова Иркә  "Авыл һөнәрләре" номинациясендә 1 нче урын алды. Узган уку елында да Иркә бу конференциядә 1 нче урынны алган иде. Җитәкчесе биология укытучысы Паутова Г.Г. Укучыбызны һәм укытучыбызны уңышлары белән котлыйбыз!!!