Бүгенге көн – Россия конституциясе көне. Шул уңайдан балаларга  “РФ нең атрибутикасы” дигән темага презентация  күрсәтелде һәм шушы көнгә багышланган тәрбия сәгате уздырылды. Балаларның белемнәрен тикшерү максатыннан   “Син дәүләт символларын беләсеңме?” дигән темага анкета үткәрелде.

     Көннең икенче яртысы балаларның сәламәтлеген ныгытуга багышланды. Саф һавада хәрәкәтле   уеннар һәм звенолар  арасында ярыш оештырылды.

11  июнь  –  Зарарлы  гадәтләргә каршы көрәш  көне. Иртәнге  аштан соң   “Сәламәт  тормыш рәвеше” дигән темага әңгәмә уздырылды.  Аннан соң  балаларга   “Батырлык нәрсә ул “ темасына багышланган  рәсемнәр  күрсәтелде. Шулай ук  алар күңелле  аппликация  ясау  серләре белән  дә таныштылар. Көннең икенче яртысында  “Кәрәзле  телефон  сәләмәтлек  дошманымы?” дигән темага түгәрәк  өстәл артында әңгәмә үткәрелде.

Иртәнге аштан соң "Чын кеше нинди була" темасына патриотик тәрбия сәгате уздырылды. Укучылар "Патриотизм " төшенчәсенең мәгънәсе белән таныштылар. Көннең икенче яртысында "Компьютер һәм мин" темасына информатика укытучысы Фәттеров Ф.Г. әңгәмә үткәрде. Компьютер куллануның уңай һәм тискәре яклары аңлатылды. Укучылар анкета сорауларына җавап бирделәр. 

9 июньдә лагерьдә "Тарихи сәхифәләр" көне үткәрелде.  Укучыларны Ташкичү һәм Мәмсә авыллары тарихы белән тарих укытучысы Кашшапов Фәнил таныштырды. Түгәрәк өстәл артында "Сугыш атлы афәт" темасына әңгәмә уздырылды. Көннең икенче яртысында авыл китапханәсенә экскурсия үткәрелде. Укучылар "Антинаркотик " акция кысаларында асфальтта рәсем конкурсында катнаштылар.

Бүгенге көн лагерьда "Милли уеннар көне" дип игълан ителде. Шушы уңайдан "Татар халык уеннары" дигән темага әңгәмә һәм рәсем конкурсы үткәрелде. Көндезге аштан соң табигатькә экскурсия ясалды. Саф һавада "Аулак өй" уены уйналды.

Бүген "Ак каен" лагерендә экология көне. Шушы көн кысаларында "Телевизор минем дошманым " дигән темага әңгәмә үткәрелде. Һәм укучылар анкета сорауларына җавап бирделәр. Көннең икенче яртысында авылыбыз чишмәләренә экскурсия ясалды. Укучылар чишмәләр тарихы һәм аларны саклау турында мәгълүмат белән таныштылар.

Бүген лагерьда әкиятләр көне. "Әкиятләр дөньясы" темасына викторина үткәрелде. Һәр звено үзе яраткан әкиятне сәхнәләштерде. Балалар үзләренең актерлык сәләтләрен күрсәттеләр.

  Көн кояшлы, җылы, матур. Шат күңелле балалар лагерьга килделәр. Балалар иртәнге линейка вакытында бүгенге көн тәртибе белән таныштылар. Иртәнге аштан соң, "Без җиребезнең  әкияттәй матур булуын телибез" темасы астында әңгәмә  уздырылды. Табигатькә чыгып төрле уеннар уйнадык. Лагерьның бишенче көне дә нәтиҗәле үтте. Аның мавыктыргыч мизгелләре балалар күңелендә озак сакланыр.

    “ Ак каен” лагерының янә бер көне матур башланып китте. Шат күңелле балаларның  бер-берсен сагынышып, елмаеп –көлеп килүләре күңелгә куаныч өсти. Иртәнге линейка,  гимнастика балалар күңеленә дәрт өсти. Иртәнге аштан соң  “Спорт һәм сәламәтлек” темасына әңгәмә, “Су патшалыгында”  дигән темага рәсем конкурсы  уздырылды.  Ә иң кызыгы , әлбәттә  “Нептун бәйрәме”н  үткәрү булды.

Күңелле, бик күңелле безнең лагеребызда!  "Чишмә чисталык башы" темасына әңгәмә үткәрелде. "Мин һәм чишмә" темасына рәсем конкурсы уздырылды.  "Яшел аптека" операциясендә дару үләннәре белән таныштырылды, табигатькә экскурсиягә сәяхәт кылдык. Кызыклы мультфильмнар карадык.