12 нче  сентябрь көнне  мәктәптә  Республика  буенча  үткәрелә торган "SаMоSтоятельные дети"    проектының  эшчәнлеге   белән таныштыру үткәрелде.  Проектта катнашучы  укучыларга  тантаналы  төстә карточкалар  тапшырылды. Проектка  яңа  укучылар  кабул  ителде.

     10  сентябрь көнне  мәктәптә “Көндәшлеккә  сәләтле  балалар тәрбияләү” дигән тема астында  ата –аналар  җыелышы  үткәрелде.  Көн тәртибендә түбәндәге  мәсьәләләр  каралды:

- 2013 -2014 уку  елына  отчет, яңа уку елына куелган  бурычлар;

- мәгарифтәге  яңалыклар;

- ата – аналар комитеты сайлау;

- 14 сентябрь – Дәүләт  Думасына  депутатлар сайлау.

          1сентябрь көнне һәр класста  “Минем кече ватаным” исеме астында  тәрбия сәгатьләре  уздырылды. Тәрбия сәгатенә  авылыбызның  данлыклы  шәхесләре чакырылды. Бу чара укучыларыбыз  күңелендә туган якка карата  булган җылы хисләрне үстерегә ярдәм итте.

     3 сентябрь  көнне мәктәбебездә терроризмга каршы  теләктәшлек  көне  итеп  билгеләнеп  үтелде.  “Беслан вакыйгалары –бүген дә йөрәкне  әрнетә” дигән  исем астында классларда  тәрбия  сәгатьләре  үткәрелде.

      Бүген мәктәбебездә беренче  сентябрь  - Белем  бәйрәме  узды.  Мәктәбебез  сафларына 1класска  - 4 укучы кабул ителде.   Бәйрәмебез  кичәсенә  мәгариф  бүлегннән, колхоз идарәсеннән, җирле үзидарә  советыннан, мәчеттән  кунаклар килде. Барыгызны да яңа уку елы башлану белән котлыйбыз. Уңышлар сезгә!

            Бу  көннәрдә  мәктәбебезнең укытучылар  коллективы  29 нчы, 30нчы  август көннәрендә районыбызда  үткәреләчәк  чәчәк күргәзмәсенә һәм ярминкәгә әзерлек  эшләре алып  бара.  Мәктәп  бакчасында  үстерелгән  яшелчәләр һәм  җиләк -  җимешләрдән киң  ассортимент тәкъдим ителәчәк.

      25  августа  глава  муниципального  района  А.А.Назиров  посетил нашу  школу. В ходе своего  визита  он  проверил  готовность   школы  к новому  учебному  году.

       Мәктәбебез  бакчасында җәйге эшләр  дәвам итә. Суган  уңышы җыелды. Кишер, кәбестә, чөгендердән салатлар ясала. Кыяр җыелып  тозланылды. Кара карлыганнан  варенье, компот ябылды,  берникадәр  өлеше  морозильникка катырырга куелды. Мәктәпнең  тирә -  ягы   гөлләргә күмелгән.

     Бүген 21 нче  июльдә безнең  мәктәптә " Баланы  мәктәпкә  әзерләргә булыш" акциясе   үз  эшен  дәвам  итте.  Беренче  сыйныф  укучылары  һәм аларны  озата килүче   әти - әниләренә   өлкән   сыйныф  укучылары  тарафыннан  әзерләнгән  концерт  программасы тәкъдим  ителде.   Район  мәгариф  бүлеге  җитәкчесе  Р.С.Низамов  яңа  уку  елында, беренче  сыйныфка  кабул  ителүче   балаларга тиешле  уку әсбаплары тапшырды. Киләчәктә  бу укучылар  мәктәбебезнең  алдынгы укучылары  сафын  тулыландырыр  дип  өмет  итәбез.

Бүген лагерьда көтелгән шатлыклы бәйрәм - Сабантуй бәйрәме. Балалар бу көнне зур түземсезлек белән көттеләр. Сабантуй программасы үз эченә татар милли уеннарын, конкурсларны ала. Уеннар концерт номерлары белән аралашып уздырылды. Балалар өчен иң сөендергәне, мөгаен, һәрбер уеннан соң бүләк алу булды.Өч атна дәвамында үткәрелгән көннәр балалар арасындагы дуслыкны тагын да ныгытты. Хуш лагерь, без сине сагынырбыз!!!!!!