8  октябрь  көнне,   6 класс укучылары  Бөек  Ватан  сугышында һәлак булганнар истәлегенә куелган  һәйкәлгә  шефлык  иттеләр. Андагы  корган чәчәкләрне, үләннәрне  җыеп  һәйкәл  территориясен чистартып куйдылар.

         Бүген, 8 сентябрь  көнне, “Мөстәкыйль балалар” төркеме  кадерле  укытучыларыбызны  бәйрәмнәре  белән котладылар.  Һәр кабинет  ишегенә котлау  текстлары  ябыштырылган  иде. Тантаналы  линейкада барлык укытучыларга да котлау  открыткалары  һәм  чәчәк  букетлары  тапшырылды. Шулай ук укучылар  үзләренең кайнар котлауларын  матур  шигыри  юлларга  да салып  та  әйттеләр.  “ Иң – иң –иң ....” дип аталган  сораштырулар уздырылды, һәм  шулар  нәтиҗәсе  буенча  укытучыларга  медальләр  тапшырылды.    

       7 октябрь көнне,  Ташкичү  мәдәният  йортында  укучылар  белән  берлектә “Безнең  кадерлеләребез...” дигән  исем астында  өлкәннәр  көненә  концерт  оештырылды.  Бәйрәм  концертын  әбиләр  чәй  өстәлләре  артында  карап  утырдылар. Кичә бик күңелле  узды.

       1 октябрь  көнне мәктәп укучылары ветеран  укытучыларны “Өлкәннәр көн”е  белән котлап өйләренә  бардылар.   Алар  өлкәннәргә  бәйрәм  бүләге, чәчәк  букетлары һәм котлау  открыткалары  тапшырдылар. 

     29 нчы сентябрь  көнне  8 – 9  класс укучылары  белән   “ Алкоголизм – начар фал”  дигән  темага -  Ташкичү фельдшерлык-окушерлык  пункты фельдшеры Н.Р.Валишина  белән әңгәмә үткәрелде.

     Акция  14 сентябрдән – 19 сентябргә кадәр  үткәрелде. Иң беренче  эш итеп 

без  листовкалар, смайликлар ясадык.  Үзебезнең  ясаган  смайликларыбызны 

елмаю  агачына  урнаштырдык.  «SаMоSтоятельные дети»  эмблемасын  һәм үзебезнең отряд  исемен  кертеп  зур плакат  ясадык.  Беренче  көнне  акцияне мәктәп  коридорында  үткәрдек, анда укучылар да  укучылар  да  бик  теләп  катнаштылар. Икенче көнне акцияне укучылар инциятивасы  белән  урамда  уздырдык. Кибеткә, китапханәгә, колхоз идарәсенә  кереп,  укучылар  акциянең  максатлары  белән  таныштырдылар.

Күңелле  смайликларны һәм  шат балалар  төркемен  күреп  өлкән  яшьтәге

кешеләр  дә  чын күңелдән куандылар.   Супер акция, һәркемнең  күңеленә

хуш килде!

             Бу көн  уңаеннан  физкультура  укытучысы Багавиев  Әбүзәр  Җәүдәтович  укучыларны  ГТО  нормалары  белән  таныштырды. Класслар арасында күңелле  эстафета уеннары  уздырылды.

 9 нчы  һәм 17 сентябрь  көннәрендә  мәктәптә “ Эвакуация буенча кабул итү  пунктының” өйрәнүләре  уздырылды.

      Мәктәп  бакчасында  көзге  эшләр  дәвам итә.   Бүген, 10 сентябрь  көнне       5 -9 класс укучылары  һәм укытучылар бәрәңге  уңышын  җыеп алуда актив катнаштылар.  Мәктәп  территориясендәге карт карлыган куаклары  төпләнелеп  алынды  һәм яшь куаклар утыртылды. Бушаган  түтәлләргә арыш  чәчелде.