1699 нчы елның 20 декабрендә Петр I Яңа ел бәйрәмен 1 нче январьдән үткәрү турында Указ чыгара. Бу көнгә ул йортларны ылыслы агачлар, агачларны төрле мөхерләр, тәм-том белән бизәргә куша. Менә 320 ел инде Яңа ел бәйрәмен чыршы тирәсендә туганнар белән каршылыйбыз. Мәктәптә дә Яңа елга укучыларны чыршы, Кар кызы белән Кыш бабай дәшә. Әзерлек эше алдан башлана. Чыршы ботакларыннан күргәзмә эшләдек, һәр класс кабинетларны, фойены бизәде.  Бүген классларда шушы уңайдан класс сәгатьләре дә узды.

   "Шәфкатьле бөкеләр" акциясенә барлык укучылар да актив катнашты. Мәмсә башлангыч мәктәбе филиалы 2 нче  укучысы З.Галимзянова барысын да уздырды. Ул 8 кг бөке җыйды.

   Кыш карлары белән матур! Күптән көткән кар ява башлады. Бездә тизрәк Яңа елга сыннар ясарга керештек.

  Бүген 2 укучы үзләренең көчләрен "Шаян - ТВ" да уза торган "Акыл-батл" тапшыруында сынап карый. 7 класс укучысы А.Хакимзянова һәм 6 класс укучысы И.Гараевларга бу ярышта уңышлар телик.  

   2019-2020 нче елның беренче яртысы тәмамланырга санаулы көннәр калды. Укучылар өчен кызу көннәр башланды. Яңа елга әзерлек, газеталар чыгару, классларны бизәү... Ләкин төп эшебез - уку. Бүген яртыеллыкны төгәлләү контроль эшләре башланды. 6-7 классларда математика фәненнән, 8-9 классларда тарих дәресләреннән муниципаль контроль эшләр алынды.

    Укучыларның активлыгын күтәрү максатында  төрле конкурслар оештырыла. Шушы көннәрдә "Балалар хезмәтне саклау турында" темасына рәсем конкурсы оештырылды. 3-7 класс укучылары бу конкурста бик теләп катнаштылар. Иң яхшы эш муниципаль күләмдә уза торган этапка җибәрелә.

   В рамках урока "Урок цифры" проводили занятие на тему "Сети и облачные технологии". Учащися познакомились развитием Интернета,  магией облаков и как сохранить собранные данные.

   12 декабрь - Россия Федерациясе Конституциясе көне. Шушы уңайдан классларда Төп Закон, аны үтәү кагыйдәләре турында класс сәгатьләре узды.

   Укучыларны тормышка әзерләү, конкурентлык сәләтләрен үстерү максатыннан, төрле уеннар оештырыла. Шундый уеннарның берсе 6-7 класс укучылары арасында узды. Өч турдан узган уенда барлык укучыларга да катнашырга мөмкинлек бирелде. Иң күп белүче укучылар булып 6 класстан И.Гараев һәм 7 класстан А.Хакимзянова танылды.

    Геройлык ул - матурлык! Батырлар безнең белән бергә атлыйлар.  Шушы уңайдан мәктәптә класс сәгатьләре үткәрелде. Бу сәгатьтә гомерләрен данга төргән райондашларыбыз, рус, татар, мари, испан милләтеннән булган Геройларны искә алдык.