Татарстан Республикасы  Дәүләт Советы депутатлары М.Г.Ахметов һәм Л.Н.Шафигуллиннар бүген безнең районда булдылар. Район белән танышып йөргәндә, алар Ш.Мәрҗани исемендәге музейга да керделәр.  Мәктәп ишек алдындагы Ш.Мәрҗани һәмМ.Галәүләр истәлегенә куелган һәйкәлләргә чәчәкләр куйдылар, музей эшчәнлеге белән таныштылар. Аларны Арча муниципаль районы башлыгы И.Г.Нуриев  озатып йөрде.

   2020 нче ел - истәлекле даталарга бай ел. ТАССР төзелүгә 100 ел, Бөек Җиүгә 75 ел, Арча районы төзелүгә 90 ел... Бу истәлекле вакыйгаларны билгеләп үтү өчен план төзелде, әзерлек эшләре бара. Бүген мәктәп укучылар советының беренче утырышы шушы тарихи истәлекле даталарга багышланды.

   Кышкы каникуллар тәмам. Укучылар, көч җыеп, мәктәпкә килделәр. Беренче линейкада куркынычсызлык кагыйдәләре,җәмәгать урынында үз-үзеңне тоту, горурлык хисе булдыру, өлкәннәргә һәм кече яшьтәгеләргә мәрхәмәтле булу тырында сөйләшү алып барылды.

   Бүген мәктәптә ата-аналар җыелышы узды. Җыелышта 2019-2020 нче уку елының 1 нче яртысына йомгак ясалды, укыту-тәрбия эше,  уңышлар һәм кимчелекле яклар анализланды, икенче яртыеллыкка бурычлар куелды.

Яңа ел каникуллары бик күңелле үтә. Һава шартлары да бик яхшы, балалар саф һавада  рәхәтләнеп чана шуалар.

4 нче январь  көнне авыл яшьләре, студентлар һәм мәктәп укучылары арасында волейбол ярышлары уздырылды. Һәр  командалар  да бик оста һәм матур уен күрсәттеләр.

Каникул вакытында ОГЭга әзерләнү буенча график төзелде. 9 нчы класс укучылары төп һәм сайлап алу фәннәре буенча консультацияләргә йөриләр.

   Бүген мәктәптә чыршы бәйрәмнәре узды. Укучылар бу бәйрәмгә ныклап әзерләнделәр. Укучылар тарафыннан оештырылган тамашага әти-әниләр, ветеран укытучылар, авыл халкы  да килде.

   24 декабрь көнне район башлангыч класс укытучыларының "Кече яшьтәге укучыларда дәрестә, дәрестән тыш вакытта универсаль уку гамәлләрен формалаштыру чаралары" темасы астында семинар булып узды. Ташкичү төп, Мәмсә башлангыч, Симетбаш башлангыч мәктәбе филиаллары укытучылары ачык дәресләр, ачык  дәрестән тыш эшчәнлек оештыру аша семинар темасын ачып бирү өстендә эшләделәр һәм үз максатларына ирештеләр. Фикер алышуларда укучыларда универсаль уку гамәлләрен тормышка ашыруның  дәрестә, дәрестән тыш чараларда күргән алымнарын анализладылар.  Шулай ук "Азкомплектлы авыл мәктәбе шартларында сәламәтлек мөмкинлекләре чикле укучылар өчен ФДББС гамәлгә ашыру" темасында Иске Кырлай төп мәктәбе башлангыч класс укытучысы Ф.Х.Ситдикованың чыгышы тыңланды.

   20 декабрь көнне районда Пермь өлкәсе Барда районы мәктәп директорлары, балалар бакчасы мөдирләре, татар теле укытучыларыннан бер төркем кунак булдылар. Алар безнең мәктәптә Ш.Мәрҗани исемендәге музей белән таныштылар. Кунаклар белән бергә Татарстан Республикасы мәгариф һәм фән министрлыгының өстәмә белем бирү бүлеге җитәкчесе Р.И.Шәяхмәтова, министрлыкның регионара хезмәттәшлек бүлеге җитәкчесе Г.Ф.Мусина да мәктәп тормышы белән таныштылар. Делегацияне Арча муниципаль районы "Мәгариф идарәсе"  милли мәгариф өчен җаваплы методисты Э.Г.Мостафина  озатып йөрде.