Каникул вакытында укучылар спортзалда бик теләп шөгыльләнәләр, баскетболны яратып уйныйлар.

26 нчы декабрь көнне 1-5 нче класс укучылары өчен Яңа ел бәйрәме үткәрелде.

26 нчы декабрь көнне кич белән  6-9 нчы класс укучылары катнашында  Яңа ел тамашасы-Балмаскарад үтте.

Зарыгып көткән Яңа ел бәйрәме якынлаша. Барлык укучылар тырышып бәйрәмгә әзерләнә. Мәктәп тирәсе дә һәркемне үзенә җәлеп итеп тора.

Совет гаскәрләренең Әфганстаннан чыгарылуына 35 ел үтсә дә, бу вакыйга йөрәкләрне тетрәндерә, күңелләрдә авыр яра булып саклана. Әлеге дата уңаеннан инглиз теле укытучысы Гарипова Р.И. 5-8 нче класс укучылары өчен класс сәгате үткәрде. Укучыларга "Кандагар" фильмы да тәкъдим ителде.

Бүген Сеҗе төп гомуми белем мәктәбендә зона буенча баскетбол ярышы үткәрелде. Әлеге ярышта безнең мәктәпнең кызлар командасы 2 нче, егетләр командасы 3 нче урыннарны яулады.  Аларга алга таба да уңышлар телибез!

16 нчы декабрьдә татар теле буенча Республика олимпиадасының муниципаль этабы узды. 7 нче класс укучысы Минһаҗева Зилә һәм 9 нчы класс укучысы Мөхәмәдиева Хәния бу олимпиадада 3 нче урынны алдылар. Аларны җиңүләре белән котлыйбыз!

Яңа ел бәйрәме якынлаша. Бу атнада мәктәп территориясендә кардан сыннар ясау эшләре башланып китте.

1994 нче елның 11 нче декабрендә, ягъни 20 ел элек Беренче Чечен сугышы башланды. Әлеге мәгънәсез сугышта дистәләрчә мең Россия хәрбие һәлак булды һәм хәбәрсез югалды. Меңләгән ата-ана газиз улларын югалтты.  Шушы дата уңаеннан мәктәптә Чечня җирендә ике тапкыр булган, безнең мәктәпне тәмамлаган Гарипов Ленар Илгиз улы белән очрашу узды. Ленар Илгиз улы әлеге вакыйгаларга үзенең мөнәсәбәтен белдерде, сорауларга җаваплар бирде,  укучыларны тыныч тормышның кадерен белергә, яхшы укырга, бер-береңә карата шәфкатьле булырга чакырды.

 Ватан Геройлары көне уңаеннан 9 нчы класста (Класс җитәкчесе- Юнысова Р.К.) Арча районы Геройларына багышланган тәрбия дәресе үтте.