Бүген мәктәп бакчасында җир казу, җыештыру эшләре төгәлләнде. 7 нче класс укучылары бакчада бик тырышып эшләделәр.

15 нче октябрь - 1552 нче елда Явыз Иван гаскәре явыннан Казанны саклаганда һәлак булган бабаларыбызны искә алу көне, аяусыз сугышта шәһит киткәннәрнең якты рухлары алдында баш ию көне. Укучыларга әлеге дата уңаеннан күп мәгълүмат җиткерелде.

Мәктәптә быелгы уку елыннан баян түгәрәге эшли башлады. Укучыларны баянда уйнау серләренә өстәмә белем бирү педагогы Гайнуллин Булат Марсель улы өйрәтә. Укучылар да әлеге түгәрәккә яратып йөриләр.

Тәмамлана көзге эшләр,

Җыеп алына уңыш.

Октябрьгә кергән чакта

Кеше күңеле тыныч.

Әйе, көзге эшләр тәмамланды. Өстәлләр мул ризыктан сыгылып тора. Бар дөнья төрле төсләргә бизәлгән. Укучылар да шушы матурлыктан могҗизалар тудыра, һәркем үз фантазиясен эшкә җигә.

Бүген мәктәбебез коллективы Арча районы мәктәпләре составында Казан шәһәренең Агропромышленность паркында уздырылган ярминкәдә катнашты һәм яшелчәләр, авыл хуҗалыгы товарлары белән сату итте.

Җәй көне укучылар мәктәп бакчасында тырышып эшләделәр. Хезмәтнең нәтиҗәсен күрер чак җитте. Кишер, чөгендер, кабак, кәбестәләрдән мул уңыш алынды.

Укытучылар көне уңаеннан мәктәптә бәйрәм чарасы үтте. Укучыларның чыгышы, җыр-биюләре һәркемгә күтәренке кәеф бүләк итте.

Хөрмәтле укытучылар! Сезнең барыгызны да һөнәри бәйрәмегез белән котлыйбыз. Уңышларыгызга сөенеп, бәхет хисе кичереп яшәргә язсын сезгә. Сау –сәламәт булыгыз, хыялларыгыз һәрвакыт чынга ашсын!

Бүген “Мөстәкыйль балалар” республика проектында катнашучы укучыларыбыз районда үткәрелгән семинарда катнашты.

Көннән-көн автомобиль транспорты үскәннән - үсә бара. Ә юллар һаман элеккечә. Шуңа күрә транспорт хуҗасына да, җәяүлегә дә юл йөрү кагыйдәләрен белү бик мөһим. Бәла аяк астында йөри, диләр. Юл йөрү кагыйдәләре мәктәптә өйрәтелсә дә, фаҗигалар еш булып тора. Шуңа күрә юл йөрү кагыйдәләрен гамәли күнегүләр ярдәмендә өйрәтү бүгенге көндә бик актуаль. 3 нче сыйныфта “Уткүз патшалыгында” дигән уен-ярыш шушы максат белән үткәрелде.