Совсем скоро 12 апреля будет отмечаться прекрасный праздник - День космонавтики! По этому случаю в школе был объявлен конкурс  рисунков «Космос глазами детей» в рамках Дня космонавтики. Дети нарисовали разный космос: планеты, космические корабли, космические пейзажи, инопланетных жителей! Рисунки получились очень красивые, живописные! Желаем всем дальнейших творческих успехов!

       1 апрельдән Татарстанда традицион санитар-экологик икеайлык башланды. Бу вакыт эчендә республика территориясен халыкның экологик һәм санитар-эпидемиологик иминлеге таләпләренә туры килерлек итеп тәртипкә салу күздә тотыла. Мәктәбебез дә бу икеайлыкка кушылды.

      7 нче апрель – Бөтендөнья сәламәтлек көне. Ул Бөтендөнья сәламәтлек саклау оешмасы тарафыннан билгеләнде һәм 1948 нче елдан бирле билгеләп үтелә. Бу көн сәламәтлекнең кеше тормышындагы ролен һәм аны ничек сакларга икәнен аңлау өчен билгеләп үтелә. Сәламәтлек – ул кешегә табигать биргән иң зур байлык. Сәламәт булу өчен шәхси гигиена таләпләрен үтәү, сәламәт яшәү рәвеше алып бару зур роль уйный.
Сәламәтлекне саклау буенча мәктәбебездә төрле спорт ярышлары, кызыклы чаралар, класс сәгатьләре һәрдаим үткәрелеп тора. Бүген классларда шушы темага багышланган класс сәгатьләре узды.

    Укытучылар бердәм дәүләт имтиханына әзерлекнең төрле ысулларын файдаланалар. Шәмсемөхәмәтова Г.Ф. математика фәненнән әзерлекне кызыклы формада оештырды. Сынау эшләрен укучылар да, әти – әниләр дә башкарды. “Күмәк көч – тау күчерә”. Имтихан һәркем өчен җаваплылык өсти. Бу эш әти – әниләрнең дә җаваплылыгын арттырырга этәргеч булып тора.

    Бүген мәктәбебездә әти-әниләр өчен "Ачык ишекләр көне"  игълан ителде. Укучыларның әти-әниләре үзләре теләгән дәрескә кереп, үз баласының белем дәрәҗәсе белән танышты.

    Табигатькә һәм кошларга карата мәхәббәт һәм җаваплылык хисләре тәрбияләү, кошлар тормышыннан кызыклы мәгълүмат белән балаларның белемнәрен арттыру максатыннан мәктәбебездә "Кошларга ярдәм ит!" акциясе уздырылды. Әлеге акция кысаларында әтиләр тарафыннан сыерчык оялары ясалып, мәктәбебез террияториясендәге агачларга эленде. Канатлы дусларыбызга ярдәм итүдә катнашкан барлык әтиләребезгә зур рәхмәтебезне белдерәбез.

    29 март көнне Казанның 81 нче мәктәбендә XVII Регионара Каюм Насыйри укулары булып узды. Әлеге укуларда мәктәбебезнең 9 нчы сыйныф укучысы Шәмсемөхәмәтова Гөлшат ( җитәкчесе Сәгыйдуллина Ч.Р.) үзенең "Кесмәсебез - суыбыз" исемендәге тикшеренү эше белән уңышлы чыгыш ясап, грамота белән бүләкләнде. Укучыбызга чыгарылыш имтиханнарында да уңышлар телибез!..

   Мәктәбебездә укытучыларыбыз сәләтле балалар белән эшләүгә зур игътибар бирәләр. Бу эш белем бирү, сәнгать,  спорт юнәлешләрендә алып барыла. Спорт-укучыларның иң яраткан шөгыле. Мәктәпнең спорт залы балалар өчен һәр көн ачык, анда шөгыльләнү өчен мөмкинлекләр : спорт инвентаре, маталар, туплар җитәрлек,  теннис  өстәле укучылар өчен хезмәт итә. Мәктәптә туризм, көрәш, волейбол түгәрәкләре эшли.

      Бүген мәктәбебездә чираттагы педагогик киңәшмә уздырылды. Киңәшмәдә 3 чирек нәтиҗәләре, төп дәүләт имтиханнарына һәм Бөтенрәсәй тикшерү эшләренә әзерлек торышы, җәйге ялны оештыру мәсьәләләре каралды. 

      Сикертән мәдәният йорты каршында “Сердәш” халык театры эшләп килә.Театр елы уңаеннан бу коллектив Т.Миңнуллинның “Ай булмаса, йолдыз бар” исемле драмасын өйрәнеп, халыкка җиткерделәр. 27 нче мартта, театр көнендә, спектакльне Арча мәдәният йорты сәхнәсендә куеп, райондашларыбызны таң калдырдылар. Үзешчән артистларыбыз арасында мәктәбебезнең 9 нчы сыйныф укучысы Шәмсемөхәмәтова Гөлшат та бар!

      Спектакльдә катнашучыларның һәрберсенә район Мәдәният йорты тарафыннан  “Рәхмәт хаты” тапшырылды.