Мәктәбебездә "Аҗаган" уены булып узды. Егетләребез үзләрен чаңгы шуу, чана тарту, граната ату, мина эзләү, шорт-трек, каршылыклар аша үтү ярышларында сынадылар. Ә кызларыбыз исә мәктәп егетләренең көчле, гайрәтле булуларына тагын бер кат инандылар.

   Туган тел атналыгын дәвам итеп  "Халыкара туган тел көне" уңаеннан мәктәбебездә "Туган телем - татар теле, халкым теле - хаклык теле" дип исемләнгән бәйге үтте. "Зирәкләр" һәм "Тапкырлар" командалары үзләренең белемнәрен сынадылар. Туган телебезгә булган мәхәббәт һәм хөрмәт хисләрен үзләренең җырлары һәм шигырьләре аша тамашачыга җиткерделәр...

      «Туган тел» атналыгының һәр көне иҗади бәйгеләр, матур чаралар белән үрелеп бара. Бүген дә китапханәчебез Шәймәрданова А.Р. 6 нчы һәм 7 нче класс укучылары катнашында туган телгә багышлап, “Туган телем – серле тел” дигән интеллектуаль бәйге үткәрде. Укучылар “Лидер” һәм “Сапёр” командаларына бүленеп үзара көч сынаштылар. “Сапёр” командасы укучылары үзләренең иң зирәк булуларын расладылар.

     21 нче февраль -Халыкара туган тел көне якынлаша. Башлангыч классларда  Гарипова А.А. “Туган телем – иркә гөлем”, өлкән классларда туган (татар) теле укытучысы Нәгыймова Р.Р. “Без – татарлар, туган телебез – татар теле” дигән темаларга класс сәгатьләре үткәрделәр. Укучыларда туган телгә мәхәббәт тәрбияләнде, телебезне сакларга һәм якларга кирәклеге төшендерелде, туган телнең матурлыгын тою хисләре тәрбияләнде.

             Ученик 7 класса Зиганшин Асаф участвовал в номинации «Рисунок» в VII Республиканской конференции исследовательских краеведческих работ «Жить, помня о корнях своих…» и был награждён Дипломом III степени. Руководитель Шаймарданова А.Р. награждена благодарственным письмом ГБУ ДО «Республиканский центр внешкольной работы» Нижнекамского муниципального района Республики Татарстан.
 

          1999 нчы елның ноябрендә Бангладеш тәкъдиме буенча ЮНЕСКО Генераль конференциясе, ЮНЕСКО әгъзалары булган илләр һәм Берләшкән Милләтләр оешмасы тарафыннан 21 нче февраль көнен Туган тел көне дип игълан итте. Туган тел – ЮНЕСКО тарафыннан бөтендөнья халыкара аралашу теле дип саналган 14 телнең берсе. Бу – туган телебез белән горурланырлык мөһим фактор. Шул уйдан мәктәбебездә китап күргәзмәсе оештырылды.

      Бүген Арча стадионында Фәнил Гарәфиев истәлегенә багышланган Арча районы беренчелегенә чаңгы ярышлары узды. Әлеге ярышларда безнең укучыларыбыз да бик теләп катнашты. Ярышларга Балтач, Кукмара,Киров өлкәсеннән дә укучылар килде...

     Бүген мәктәбебездә "Әфганстан-йөрәк ярам" дип исемләнгән чара үткәрелде. Тирән эчтәлекле, тәрбияви, уйланырга мәҗбүр иткән чарага укучылар җитди әзерләнделәр. Әлеге чара җырлар, биюләр белән үрелеп барды. Очрашуга мөхтәрәм кунаклар - әфганчылар - Аглуллин Рафис Рашитович, Замалеев Рафик Рашитович, Зарипов Ренат Салихзянович, Азизов Виктор Нурутдинович килде. Алар сугышта һәлак булганнарны зур хөрмәт белән искә алдылар. Укучыларны яхшы укырга, физик яктан ныклы әзерлекле булырга өндәделәр. Ватанны саклауның изге бурыч булуын аңлаттылар. Әлеге истәлекле көн укучыларыбыз  күңелендә мәңге сакланыр!

     Муса Җәлилнең тууына 113 еллыгына багышлап, Г.Камал исемендәге Сикертән төп гомуми белем мәктәбендә 3-5 нче классларда Баймуратова Р.Ш. “Үлемсезлек юлы”, 2-4 нче классларда “М.Җәлил – герой шагыйрь”, 6-7 нче классларда Нәгыймова Р.Р. “Батырлык һәм сөю янәшә” дигән темаларга тәрбия сәгатьләре үткәрделәр. Укучылар Муса Җәлилнең хатыны Әминәгә, кызы Чулпанга язган хатлар,  гражданлык һәм шигьри батырлыгы турындагы язмалар белән таныштылар.

   Советлар Союзы Герое, Ленин премиясе лауреаты, патриот-шагыйрь Муса Җәлилнең шигырьләрен, поэмаларын укучылар яратып укыйлар. Башлангычлар класслар укытучысы Гарипова А.А. җитәкчелегендә 2-4 нче класслар М.Җәлилнең шигырьләренә рәсемнәр иҗат иттеләр.

   Бүген мәктәбебездә герой шагыйрь Муса Җәлилнең туган илгә тугрылык хисе белән сугарылган шигырьләренең тарихи әһәмиятен ачыклау максатыннан "Муса Җәлил - герой шагыйрь" дип исемләнгән чара үтте.