14 нче февраль көнне ил күләмендә "Россия чаңгы юлы – 2016” ярышлары үткәрелде. Бу чара район спорт үзәк мәйданында узды. “Арча өченче номерлы башлангыч мәктәбе – балалар бакчасының” 5нче А сыйныф укучылары да ярышта актив катнашты. Спорт ул - сәламәтлек һәм файдалы ял икәнен аңлап, көчтән килгәнчә шуып, саф һава сулап, бу чарадан канәгать калып, өйләргә таралыштылар

Мәктәптә “Кичен, көндез һәм иртән – һәрвакыт сак бул уттан!” дигән музыкаль кичә үтте. Аны класс җитәкчеләре Гыйниятова Г.Т.,  Зәйнуллина Р.Ф. сыйныф укучылары белән уздырды. Кичәгә әзерлек алдан ук башланды. Укучылар янгынның нинди фаҗигага китерүен  күрсәткән рәсемнәр ясадылар. Бәйрәмдә балалар төрле әкиятләрдән өзекләр сәхнәләштереп күрсәттеләр, җырладылар, биеделәр. “Бүре һәм 7 кәҗә бәтие” һәм “Кызыл калфак” әкиятләрендә  урманда ут якмаска, “Өч аю” һәм “Өч дуңгыз баласы” әкиятләрендә  газ һәм үтүк белән сак эш итәргә кирәклегенә төшенделәр. Кичәгә  Арча янгын сүндерү  оешмасыннан инспектор Мухаметов И.Р.  килде. Ул чыгыш ясап, балаларны ут белән сак булырга өндәде. Ахырдан укучылар янгын куркынычсызлыгы турында  мультфильм карадылар. Кичә барыбызга да ошады.

1 Б  сыйныфында "Мин кем?" һәм "Минем хокукларым"  темасына класс сәгате үткәрелде. Укучылар  слайдлар ярдәмендә төрле ситуацияләр белән таныштылар, үзләрен кызыксындырган сорауларга  җаваплар алдылар. Дәрес бик күңелле үтте.

10 нчы февральдә кичен район үзәк стадионында “Чаңгы яратучылар” бәйрәме уздырылды. Бу чарада 5нче сыйныф укучылары һәм әти-әниләре дә актив катнашты. Алар, рәхәтләнеп, чана-чаңгы шуып, ял итеп кайттылар.

 Арча халкының тарихы, үткәне, бүгенгесе белән таныштыру максатыннан, “Арча өченче  номерлы башлангыч мәктәбе – балалар бакчасының” 5 нче А сыйныф җитәкчесе Закирова Г.К.,  укучыларын  “Казан арты” Арча тарих–этнография музеена экскурсиягә алып барды.  

Безнең мәктәптә 5 нче февральдән  12  нче февральгә  кадәр  «Бар  һөнәр дә кирәк, барлык һөнәр мөһим»  темасы астында  башлангыч  класслар  атналыгы  уздырыла.  Шул темага бәйләп 2  Б сыйныфында Плотникова В.И. класстан тыш математика дәресен уздырды.   

Кышның карлы бураннары  саран саргылт кояш белән алмашты. Ә күпме шатлык алып килде ул бала-чагага. 5нче А сыйныф укучылары да мондый матур көнне әрәмгә уздырмадылар. Дәресләрдән соң сыйныф җитәкчесе Закирова Г.К. белән, чаналарын күтәреп, үзәк стадионга ашыктылар.  Саф һавада  шау-гөр килеп  тау шудылар, төрле уеннар уйнадылар. Балалар кышкы йокыга талган су буйларын  күзәтеп, кышкы табигатне тыңлап, ял итеп кайттылар.    

Бүген мәктәбебездә беренче класска баручылар өчен  төрле чаралар үткәрелде. Балалар  мәктәп белән  танышкан вакытта, актлар залында әти-әниләр өчен җыелыш үткәрелде.

 Һәркөн саен диярлек, балалар катнашында юл һәлакәтләре булып тора. Бу барысы да юл кагыйдәләрен белмәү, дөрес урында юлны чыкмау яки баланың юлда куркып калулары сәбәпле килеп чыга . Шуңа күрә балаларны юл йөрү, куркынычсызлык кагыйдәләренә төрле ситуацияләрдә дөрес юлны сайлап, дөрес чыгарга, югалып калмас өчен тәрбия планы буенча 4 А һәм 4Б сыйныф укучылары "Юлда да акыл кирэк" исемле чара үткәрделәр.

Л.Толстой исемле Казан федераль университеты филология һәм мәдәниятара багланышлар институтының татар әдәбияты кафедрасы доцентлары  Юсупова Н.М. һәм Юсупов А.Ф. безнең  мәктәп базасында район укучылары  белән очраштылар. Биредә татар теле һәм әдәбияты буенча  төрле күнегүләр, кагыйдәләр ныгытылды. Укучылар бик күп мәгълүматлар тупладылар.