Балалар бакчасында иң кечкенәләрне йорт хайваннары һәм кыргый җәнлекләр белән таныштырганда еш кына без Габдулла Тукай әсәрләренә мөрәҗәгать итәбез. Әлбәттә, болар “Кызыклы шәкерт”, “Карга”, “Гали белән кәҗә”, “Безнең гаилә” кебек әсәрләр була. Кыска-кыска шигъри юллар балаларның белемен тулыландырырга, тирәнәйтергә булышлык итә. Әйтик, мәченең кыяфәте, гадәте, хуҗасына нинди файда китерүен өйрәнгәндә балалар “Шаян песи”не тыңламасалар мәче турында тулы мәгълүмат ала алмаслар иде. “Кызыклы шәкерт” шигырен сәхнәләштерүне дә балалар бик ярата. Занятиенең соңгы өлеше тере көчекне күзәтүдән дә зур тәэсир калдыра. Тәрбияче алып килгән уенчык эт белән балалар төрле уеннар уйныйлар. Икенче тапкыр мультфильм карыйлар, “Кызыклы шәкерт”кә иллюстрациясе буенча әңгәмә оештырырга мөмкин.

Әнкәем алтын таракны, тиз генә эзләп табып,
Атты да тышка, тизүк куйды тәрәзәне ябып.

Су анасыннан котылгачтын, тынычлангач, әни
И орышты, и орышты, и орышты соң мине!

Мин дә шуннан бирле андый эшкә кыймый башладым,
«Йә иясе юк!» — дип, әйберләргә тими башладым.

Һавасыз яшәп булмагандай, балаларның тормышын уеннарсыз күз алдына китерүе кыен. Уен - алар өчен тормышка өйрәнү  чарасы. Шуңа күрә дә без нәниләребез белән кыюлык, өлгерлек, тапкырлык, җитезлек тәрбияли торган халык уеннары, хәрәкәтле, җырлы - биюле уеннар уйныйбыз

15 нче гыйнварда  безнең балалар бакчасында “Минем гүзәл Татарстаным” дип исемләнгән зурлар төркемендә шөгыль үтте. Тәрбияче Татарстан флагы, гербы белән таныштырды. Әлеге шөгыльдә аеруча туган тел- татар теленең асылы, аһәңе турында сүз барды. Ул балаларга тел турында әйтемнәр , табышмаклар . шигырьләр укыды, төрле уеннар оештырды.

Математика занятиесында һәрбер санны өйрәнеп, язып чыктылар. 

Озын кышкы яллардан соң балалар бакчаны бик сагынып килгәннәр. Матур итеп рәсемнәр ясап,  занятиеда бик яратып катнашып утырдылар.

Бездә бүген Яңа ел!

Кунакка килгән зур чыршы,
Яңа елны матурлап.
Кызлар уйнап йөри анда,
Малайлар күп, батырлар.

Кызлар, малайлар уйнарга
Җыелганнар кай-ара,
Чыршыны тирәләп утлар
Җемелдәшеп шаяра.

Яшел ылыслар артында
Әкият качып тора,
Эчендәге бар серләрне
Ачарга кызыктыра.

Чыршы тулы уенчыклар,
Ә башында йолдыз бар.
Куяннар, тиеннәр күпләр,
Шаян алар, елгырлар.

Күзләрдә бәхет елмая,
Ә шатлыкка чама юк.
Без биибез һәм җырлыйбыз,
Бездә бүген Яңа ел!

Яңа ел тәрәзәләре# белән инстаграм, вконтакте челтәренә фотолар куеп, конкурста катнаштык.

Районыбыз тәрбиячеләре тәҗрибә уртаклашып, Арча педагогия көллиятенә бардылар. Анда заманча технологияләр белән эшләү алымнары, татарча мультфильм ясау ысулларын өйрәнеп кайттылар. Замана белән бергә атлау- хәзерге заман тәрбиячесенең төп кретериясы.

Яңа елның җитәсен һәр бала түземсезлек белән көтә. Җырлар өйрәнеп, шигырьләр ятлап, Кыш бабайдан бүләк алырга әзерләнәләр.