5 нче мартта 1-4 класс укучылары өчен " Дуслык күпере" исемле чара оештырылды. Үз эченә ике бәйрәм шатлыгын бергә алып, шигырь сөйләп, матур җырлар җырлап, табышмак әйтешеп, кызыклы сорауларга җавап таба- таба бәйрәм бик күңелле үтте.

"2021 нче  ел- туган телләр һәм халыклар бердәмлеге елы" уңаеннан,   Иске Кырлай төп гомуми белем мәктәбендә  милләтебезнең  гореф - гадәтләре, милли йолалары, традицияләре,  татар халык авыз иҗатының кабатланмас энҗе - җәүһәрләре булырдай үзенчәлекле жанрлары турында даими рәвештә классларда төрле тәрбияви чаралар үткәрелә. Бүген, 4 нче март конне,  7 нче  класс җитәкчесе Хәбибуллина Г.Г. "Бәетләрдә  - ачы язмышлар" темасына тәрбия сәгате үткәрде.  Укучылар бәет жанры, аның төрләре, язылу тарихлары белән таныштылар.

Мәктәбебез укучылары " Көмеш кыңгырау", " Сабантуй", "Салават күпере" кебек балалар өчен чыга торган газета - журналларны бик яратып укыйлар. Килгән һәр яңа санына күзәтү ясыйлар, матур мәкаләләр, кызыклы әкиятләр белән танышалар. Балалар өчен үткәрелә торган төрле бәйгеләр белән танышалар. Татарча вакытлы матбугат белән кызыксынучы укучылар көннән- көн арта.

Бүген мәктәбебездә 1 класс укучылары өчен Әлифба бәйрәме үткәрелде.  Укучылар  укырга, язарга, матур итеп сөйләргә, әдәпле булырга, өлкәннәрне һәм кечкенәләрне ихтирам итәргә, коллектив белән дус яшәргә, ярдәмчел булырга өйрәнделәр.  Без укучыларга  уңышлар телибез.  Киләчәктә дә шулай тапкыр, зирәк, намуслы, сау – сәламәт булып үсегез. Киләчәгегез якты, барыр юлыгыз нык булсын!

«2021 нче ел - Туган телләр һәм халыклар бердәмлеге елы» уңаеннан, 4-5 класс укучылары  « Без бит – Арча яклары” китабына күзәтү ясадылар. Әлеге  « Безнең якташ язучыларыбыз” исемле әдәби чарада  укучылары  әдипләребезнең иҗатын өйрәнделәр, шагыйрьләрнең туган як, туган ил, туган тел турында язылган шигырьләрен сөйләделәр.

     Бүген безнең мәктәптә туган телебезнең матурлыгын, гүзәллеген тоярга өйрәтү максатыннан, 5 нче класс укучылары өчен “Тел күрке – сүз” темасына класс сәгате  үткәрелде.  Укучылар табышмакларга жаваплар таптылар, язучыларыбызның телләр турында язган сүзләрен hәм шигырьләрен укыдылар, тел турында фикер алыштылар. Дәрес барышында туган телне сөяргә, хөрмәт итәргә, горурланып яшәргә кирәклегенә басым ясалды. Туган телнең аралашу коралы гына түгел, ә милләтнең тарихы, рухи байлыгы булуы, тормышта мөһим роль уйнавы, зарурлыгы аңлатылды.

Туган тел - ин әйбәт шигырь

Туган тел - иң әйбәт җыр.

Туган тел - иң әйбәт китап

Туган тел - иң әйбәт тел.

Туган телләр бердәмлеге елы уңаеннан, укучыларга һәрдаим туган телнең асылы һәм кадере турында аңлату эшләрен алып барабыз.

Ир-егетләр,Сезне 23 февраль - Ватанны саклаучылар көне белән ихлас котлыйбыз.Бу котлау сүзләре бүген армия сафларында хезмәт итүчеләргә генә түгел, Ватанны сакларга һәрчак әзер торучы ир-егетләр исеменә дә юллана. Районыбызда кыюлык үрнәге булырдай мисаллар җитәрлек. Без Ватанны саклаучыларның якты истәлеген күңелләрдә һәрчак сакларга бурычлы. Бу безгә яшьләрне хәрби-патриотик рухта тәрбияләргә, аларны Ватанны саклаучылар итеп әзерләргә мөмкинлек бирә.Шул максаттан,Әзәк авылында һәйкәлгә чәчәкләр салынды.

Укучыларда патриотизм хисе тәрбияләү максатыннан , мәктәптә хәрби-патриотик тәрбия айлыгы дәвам итә. Айлык кысаларында Батырлык дәресләре, сыйныф сәгатьләре уза.Бүген укучыларга сугыш турында нәфис фильм күрсәтелде.