Районыбызда 25нче апрельдән 17нче майга кадәр  ышаныч телефоны көненә карата айлык игълан ителде. Мәктәбебездә әлеге уңайдан берничә чара планлаштырыла. Иң беренче чиратта, классларда "Син берүзең түгел",  "Һәр кыенлыктан чыгу юлы бар", "Без бәхетле!" дигән темага  әңгәмәләр, ата-аналар җыелышы һәм башка чаралар булыр дип көтелә. 

Тиздән Ашытбаш мәктәбендә шашка ярышлары  үткәреләчәк.  Әлегә кадәр мәктәбебез укучылары шашка, шахмат ярышларында йөзгә кызыллык китермәделәр - яхшы нәтиҗәләргә ирештеләр.  Киләчәктә дә шул югарылыкны саклау өчен , яңадан-яңа җиңүләр яулау өчен бар көчебезне куябыз, кагыйдәләрне кабатлыйбыз, бер-беребез белән шашка уйнап тагын да остарабыз.  Ярышлар  гел булып торсын иде!

Менә инде апрель аеның да  өченче атнасын башлап җибәрдек.  Тиздән бакча эшләре башлана. Бакчага чыгарасы үсентеләребез  көннән-көн үсә, кояшка үрмәли. Барлык күңел җылысын,  бөтен көчебезне куеп үстергән яшелчәләрнең файдасын күрергә язсын.

Бакчабызда балалар хыялланырга бик яраталар. Бүген сөйләм үстерү шөгылендә төрле һөнәрләр турында сүз алып барылды. Бакчада ничә бала булса, шуның кадәр үк хыял, шуның кадәр үк профессия бар. Булачак төзүчеләр  хыялларын шакмаклардан төзеп тә күрсәтте инде.

Бүген  "Татарстанның елгалары, күлләре һәм  су саклагыч зоналар"   темасына укучылар белән әңгәмә үткәрелде.   Әңгәмә барышында Татарстанның төп елгалары һәм сусаклагыч  зоналары турында мәгълүмат бирелде.  Барлык укучыларга да әлеге темага багышланган башваткыч чишәргә кушылды.  Нәтиҗәләр сишәмбе көнне билгеле булачак. 

Бүген мәктәбебез территориясен чистарту эшләре алып барылды.  

 Балалар шөгыльләрдән тыш  төрле уеннар уйнарга ярата.  Кызлар бигрәк тә ясарга, буярга яраталар.  Кызларның буяган рәсемнәре бик матур килеп чыга.

Ниһаять без зарыгып  көткән көн килеп җитте. Бүген Пешәнгер күпфункцияле үзәгендә Габдулла Тукайга багышланган фестивальнең зона этабы булып узды. Мәктәбебез укучылары һәм укытучылар коллективы уңышлы чыгыш ясадылар. Нәтиҗәләр әлегә билгеле түгел. Шуңа күрә без көтәбез!

Балалар бакчасына йөрүче нәниләребез дә катнашты Габдулла Тукайга багышланган фестивальдә. "Бала белән күбәләк" җыры, шигырьләр бик тә матур килеп чыкты. 

Мәктәптә һәм балалар бакчасында Космонавтика көненә багышланган тәрбия сәгатьләре үткәрелде, рәсемнәр ясалды.