1 марттан 25 мартка кадәр кирәк булмаган кәгазьләр җыябыз, ягъни макулатура. 

Кисеп-ябыштыру шөгыле "Умырзая" - күмәк эш

Кар дип җиргә басасың,

Суга кереп батасың.

Чыксын инде умырзая

Кар астында ятмасын.

Мартлар җитсә, яз җитә,

Бураннары булса да,

Песи чыккан урамга

Аяклары туңса да.

Бакчабызда "Без бергә!" фестиваленең бакча туры узды. Бу фестиваль сәнгать өлкәсендә талантлы балаларны барлау максатыннан үткәрелде. Бакча турында җиңү яулаган балалар район турында катнашу хокукына ия булачаклар.

Бүген безнең бакчада "Сез безгә шундый кирәк!" исеме астында гаилә бәйрәме булды. Балалар әти-әниләргә шигырьләр сөйләделәр, җырлар җырладылар, төрле халык һәм шаян биюләр биеделәр. Әти-әиләрне төрле уеннар, бәйгеләр аша без дә сынадык. Бик күңелле бәйрәм булды. 

Бүген балалар бакчасында Гөберчәк авыл китапханәсе белән берлектә "Абдулла Алиш премиясе лауреатлары китапларын укыйбыз" акциясе булды. Китапханәче Гөлфирә Зөфәр кызы балаларга Абдулла Алиш турында мәгълүмат бирде. Лауреатлар белән таныштырды, Шигырьләр укыды, китаплар белән таныштырды. Балалар да язучыларның шигырьләрен сөйләделәр. Шундый матур иртә оештырганнары өчен Гөлфирә Зөфәр кызына һәм Гөлүсә Сөнгәтулла кызына зур рәхмәт.

Республика күләмендә үткәрелгән  "Суда һәм бозда игътибарлы бул!" конкурсында катнашкан 6 яшьлек Илсаф Шәймәрданов катнашучы сертификатына ия булды. Алда тагын да зур уңышлар теләп калабыз.

Суган белән тәҗрибә дәвам итә. Суганның тамыры, кыягы үсешен балалар кызыксынып күзәтәләр. Сулар сибәләр.

Бакчада һөнәрләр үзләштерү дәвам итә. Бүген балалар коткаручылар (МЧС) һөнәрләрен өйрәнделәр. Ныгыту максатыннан уеннар уйнадылар, рәсемнәр ясадылар.