Арча районы мәгариф идарәсенең 2022нче елга март-апрель планы нигезендә, 1-7 апрель көннәрендә мәктәпләр арасында "Милли кием" флешмобы уздырыла. Укучыларыбыз, әти-әниләре белән бергә бу флешмобка кушылды. Фотода Гыйлмановлар гаиләсе

29.03 көнне Урта Пошалым мәктәбендә хатын-кызлар арасында волейбол буенча зона ярышы үткәрелде. Мәктәбебезнең командасы  2нче урынга лаек булды. Чын күңелдән котлыйбыз!

Көннәр аяз, күктә алсу
Нур сибеп кояш көлә.
Җиргә тама көмеш тамчы –
Сагынып көткән яз килә.

Әйтегезче,кайсы вакыт
Яздагыдан ямьлерәк?
Кыш айларын да яратам,
Әмма яз күңеллерәк.

Көннәр җылы, күктә алсу
Нур сибеп кояш көлә,
Җәйге шатлык, көзге бәхет
Яз белән бергә килә.

Укучыларыбыз укуда да, спортта да уңышлары белән сөендереп тора. Атналык линейкада укучыларны котлап җүләкләү мәктәбебезнең бер матур гадәте булып тора.

Җылы нурларын көннән – көн матуррак чәчкән кояшлы, зәп-зәңгәр күк йөзе белән күңелләребезне күтәргән яз килде.  Март ае – яз башы, бик матур ай.  Бу ай озак заманнар  буе Яңа елның беренче ае булып йөргән. Көннең төнне куып җиткән вакытында, Кыш бабайның чәчләре су булып акканда, безнең бабаларыбыз, әбиләребез язны – Нәүрүзбикәне каршылаганнар. Бу көнне үзләренең матур теләкләрен  Нәүрүзбикәгә әйтеп калдырырга тырышканнар.

Нәүрүз бәйрәме – язны каршылап, язгы чәчү эшләре алдыннан үткәрелә торган халык бәйрәме ул.

Бүген бәйрәм. Бүген Нәүрүз. Нәүрүз шатлык, бәхет алып килә. Нәүрүз – яз бәйрәме.