19 апрельдә Бөек Ватан сугышы елларында нацистлар һәм аларның булышчылары тарафыннан совет халкына карата геноцид (юк итү) үткәрү истәлегенә Бөтенроссия бердәм гамәлләр көне билгеләп үтелә. 1943нче елның 19 апрелендә СССР Югары Советы Президиумының совет гражданнарын һәм әсир кызылармиячеләрне үтерүдә һәм җәзалауда гаепле немец-фашистлары, шпионнар, совет гражданнары булган сатлыкҗаннар, аларның тарафдарлары өчен җәза чаралары турындагы 39нчы санлы указы басыла. Документ нацистларның оккупацияләнгән территорияләрдә тыныч халыкны юк итү буенча максатчан һәм масштаблы сәясәтен һәм җинаятьләрнең җәзасы булырга тиешлеген тануның беренче факты була. Бу көнне мәктәпләрдә әлеге тарихи көнгә багышланган дәресләр, сыйныф сәгатьләре үтә. Безнең мәктәбебездә дә тарих фәне укытучысы Гүзәл Шәймулла кызы класс сәгате үткәрде һәм кызыклы мәгълүматлар белән бүлеште.

10 нчы сыйныф укучысы Галәветдинова Гөлфия "Без Тукайлы халык" 11нче Республикакүләм Габдулла Тукай укуларының "Табигать-безнең байлыгыбыз" секциясендә лауреат булды. Гөлфияне һәм әзерләгән җитәкчесе Алсу Вазыйх кызын чын күңелдән котлыйбыз!

15 апрель көнне мәктәптә гөрләп ярминкә узды. Дәресләрдән соң спортзал кафе, матурлык салоны, төрле ял итү үзәкләре итеп үзгәртелде. Укучылар шәхси предприятие хезмәткәрләренә  әверелделәр. Алар  алдан эшмәкәрлек кагыйдәләренә нигезләнеп нинди хезмәт күрсәтүләрен планлаштырып куйдылар, бәяләрне билгеләделәр,  спортзалны максатка туры китереп бизәү очен дизайн алымнарын өйрәнделәр. Әти-әниләр, укытучылар ярминкәдә тәкъдим ителгән товарларны яратып алдылар. Килгән кунаклар яшь эшмәкәрләр оештырган “кафеларда” тәмьле ризыклар белән сыйландылар, ял иттеләр. 

Ярминкәдән соң актлар залында ата-аналар җыелышы үткәрелде. Мәктәп директоры Сибәгатуллин Р.Х. әти-әниләрне укучыларның уңышлары белән таныштырды. Тәрбия эшләре буенча директор урынбасары Фәйзиева Г.Р.  укучыларының үз-үзләрен тотышы, тәртибе буенча чыгыш ясады.

"Сәламәтлек көне" уңаеннан мәктәптә иртәнге физзарядка уздырдык

"Сәламәтлек  көне" уңаеннан мәктәптә спорт ярышлары уздырылды

"Тату класс серләре" Республика конкурсының муниципаль этабында 3нче урынны яулаган 6 нчы сыйныф укучыларын һәм сыйныф җитәкчеләре Илүзә Рифовнаны бүләкләү тантанасы булып узды.

Яз җитүгә туган якларына кошлар кайта башлый. Укучыларыбыз сыерчыкларны каршы алырга әзер: әтиләре ярдәме белән бик матур сыерчык ояларын ясап, аларны күргәзмәгә куйдылар. 

Укучыларыбыз ясаган сыерчык ояларын каралты-куратирщсенщ элделәр.

Җылы  яклардан

Сыерчык килде.

Мин куйган яңа

Ояга  керде.

Бик тә җентекләп

Тикшереп йөрде.

Шундый сөенде,

Ошаткач инде…

Оя кырында

Чыбыкка басып,

Үзе турында

Сөйләде ачык…

И туган илне

Сагындым диде.

Аннан сайрады

Үзе чыгарган

“Сагыну” дигән

Яңа бер көйне…