Хәрби-патриотик айлык кысаларында 5 нче классларда "Герой -шәһәрләр" дигән класс сәгате утте. Сугыштан соң 12 шәһәргә герой исеме бирелгәне, ә Брест шәһәренә крепость исеме бирелүе хакында балаларга сөйләнелде. Балалар күп мәгълүмат алдылар. Видеоролик карадылар.

Һәр җомга дәресләрдән соң, 9 нчы класс укучылары белән рус теленнән ОГЭ га әзерлек консультацияләре үткәрелә. Консультациядә укучылар өчен  авырлык тудырган сораулар карала. Сочинение һәм изложение текстлары өстендә эш алып барыла. Укучылар киләчәк экзаменнарга җаваплылык хисен тоеп әзерләнәләр.

Хәрби-патриотик айлык планы буенча мәктәбебездә “Батырларның  даны мәңгелек!” исеме астында китап күргәзмәсе, «Родные лица Победы» фотокүргәзмәсе эшли башлады. Күргәзмәләр ай дәвамында укучылар ярдәме белән тулыландырылачак.

Хәрби -патриотик айлык кысаларында мәктәп музее җитәкчесе Төхфәтуллина Р.Р. укучыларны авыл тарихына бәйле тарихи фактлар белән таныштырды.  Якташларыбызның сугышчан батырлыклары турында мәгълүмат укучыларда зур кызыксыну уятты.

2 нче февральдә башлангыч сыйныфлар атналыгы  «Урамдагы вакыйга» кичәсе белән йомгакланды. Кичә барышында укучылар Куянга юл йөрү кагыйдәләрен өйрәттеләр, юл хезмәткәренең сынауларын үттеләр, велосипедта йөрүче баланы кисәттеләр. Юл йөрү кагыйдәләрен өйрәнү атналык кысаларында гына калмыйча ел дәвамында да дәвам итәчәк. 

 Бүгеннән мәктәбебездә хәрби -патриотик айлык башланды.  Укучылар китапханәдә класс сәгате өчен сугыш чоры турында газета-журналлардан  материал туплады.  

«НУР» профилактика отряды 6-8 нче класс укучылары белән берлектә сәламәтлек темасына класс сәгате үткәрделәр.  Эшлекле уен укучыларда зур кызыксыну уятты. 

Шаулап-гөрләп  башлангычлар атналыгы үтеп бара. Балаларның юл йөрү кагыйдәләрен ни дәрәҗәдә белүләрен, өйрәнүләрен күзәтү максатыннан,  без рәсем һәм инша конкурсы игълан иткән идек. Һәм менә бу конкурсларга йомгак ясар вакыт җитте. Бу рәсемнәр һәм  иншалар, юл йөрү кагыйдәләрен иң яхшы белүчеләрне билгеләргә ярдәм итте.

Юкка гына әйтелмәгән:

Хәрәкәттә-бәрәкәт.

Йөри белсәң тәртип белән,

Күрмәссең һич һаләкәт.

     Юл хәрәкәте кагыйдәләрен төгәл үтәү күнекмәләрен тиз генә формалаштырып булмый. Бу - шактый катлаулы һәм зур түземлелек сорый торган эш. Өйдә, урамда, дәрес вакытларында һәм башка чаралар ярдәмендә юл йөрү кагыйдәләрен баланың күңеленә акрынлап сеңдерә барырга кирәк. Бары шул чакта гына юл билгеләре - ышанычлы ярдәмче, ә эш нәтиҗәле була. Шул максаттан, башлангыч класслар атналыгы кысаларында, башлангыч класс укучылары белән “Юлда сак бул!”, “Юлда булсаң – бул өлгер, юл кагыйдәләрен бел!” темаларына стендгазеталар чыгардык. Балалар зур кызыксыну белән эшләделәр, эш нәтиҗәсе үзләренә дә ошады.