Укучылар язгы каникулларны файдалы һәм күңелле итеп үткәрәләр. Учи.ру платформасында ВПРга әзерлек буенча биремнәр үтиләр.

9 класс укучлары белән имтиханга әзерлек бара. Бүген укучылар математика фәненнән ОГЭ эшләрен карап чыктылар.

Бүген  5 класс укучыларының әти-әниләр җыелышы булып узды. Класс җитәкчесе  Романова Р.А.   ата-аналарны 3 нче чирек йомгаклары, алда торган алда торган эшләр белэн таныштырды.Хокук бозуларны кисәтү буенча түбәндәге мәсьәләләргә тукталды:

-каникул чорында  куркынычсызлык кагыйдәләрен үтәү;

-балалар һәм яшүсмерләр арасында хокук бозуларны кисәтү;

-интернет челтәреннән дөрес файдалану, куркынычсызлык кагыйдәләрен үтәү;

-балаларның тормышын һәм  сәламәтлеген  саклау чаралары;

-янгын  куркынычсызлыгы;

-язгы ташу чорында куркынычсызлык кагыйдәләрен үтәү;

-“Заступник”  приложениесен  куллану;

-тәрбия чараларының әһәмияте;

Ахырдан ата-аналар үзләрен кызыксындырган сорауларга җаваплар алдылар.

24 март көнне Носы төп мәктәбендә 3 нче чирек нәтиҗәләре буенча педагогик киңәшмә үтте.

Бүген мәктәбебез янындагы спорт мәйданчыгында Нәүрүз - язны каршылау бәйрәме шау-гөр килеп узды. Ул халкыбызның борынгыдан калган, көн белән төн тигезләшкән вакытта уздырыла торган күркәм йоласы. "Нәүрүз" фарсы телендә "яңа көн" дигәнне аңлата. Бу көнне барысы-олысы һәм кечесе дә рәхәтләнеп күңел ачты. Ахырдан һәркем  кайнар чәйтәмле коймаклар белән сыйланды. Җыр-моң яңгырап торды, күңелле уеннар уйнатылды.

 Һавага яз исе чыгу белән, сыерчыклар көтә башлыйбыз. Язгы каникулга киткәнче укучыларга сыерчык оялары ясарга   кушылган иде. Александрова А., Степанов А. инде ояларын алып килделәр. Сәрдәбаш башлангыч мәктәбе укучылары кошларны якты йөз белән каршы алалар. “Без –кошларның дуслары. Алар моны белеп, безне дә мактап сайрарлар әле”,-дип, шатланыша.

Язгы каникул алдыннан Сәрдәбаш башлангыч мәктәбе укучыларын китапханәче Ләйсән Рәисовна яңа китаплар белән куандырды.

    Әле генә кыш хакимлек итә иде, инде яз килде, дуслар. Табигатьтә  яз исе килә, яз тавышы ишетелә, яз сулышы бөркелә!

Яз хакимлек иткән вакытларны,

Ни өчендер бигрәк яратам.

Яз  китерә күңелләргә шатлык,

Тирә-юньгә хуш ис тарата.

     Без дә бүген ямьле язны сәламләп, “Ягез әле, кызлар-йолдызлар” бәйгесе үткәрдек. Бәйгедә 8-9 нчы сыйныфның иң матур, иң гүзәл, иң уңган кызлары көч сынашты. Алар үзләренең зирәклеген, уңганлыгын күрсәттеләр.  Кичәне 7 нче сыйныф укучылары концерт номерлары белән бизәделәр.

17 нче мартта татар телен, әдәбиятын, мәдәниятен саклау һәм үстерү, укучыларда әдәбиятка, сәнгатькә кызыксыну уяту, әдәби иҗатка сәләте булган яшьләрне ачыклау, яшь язучыларны таныту максатыннан, 2024-2025 нче уку елында Татарстан Республикасы Мәгариф һәм фән министрлыгы Татарстан Республикасы Язучылар берлеге белән бергәләп татар телендә иҗат итүче мәктәп укучылары арасында «Илһам» Бөтенроссия яшь язучылар бәйгесенең зона этабы үтте. Безнең мәктәп укучылары 6 нчы сыйныфтан Абдуллин К. (проза) һәм 8 нче класстан Петрова Ю. (поэзия) «Илһам» Бөтенроссия яшь язучылар бәйгесендә катнашып, I тур җиңүчеләре булдылар. Укучыларны котлыйбыз, алга таба да иҗади уңышлар телибез.