Саф һавада балалар күп уйный, хәрәкәт итә. Хәрәкәт итү матдәләр алмашын, кан әйләнешен тәэмин итә, аппетитны үстерә. Балалар каршылыкларны җиңәргә өйрәнә, җитезлектә, кыюлыкта камилләшә. Аларда хәрәкәт итү үсә, кәеф күтәренкелеге тотрыклана.

Тәрбиячебез Галиуллина Алинә Фидаэль кызын чираттагы уңышы белән котлыйбыз! 

Бүген мәдәният хезмәткәрләре белән берлектә борынгыдан килгән "Карга боткасы" йоласын үткәрдек.Балалар бик теләп төрле ярмалардан пешергән боткадан авыз иттеләр, татар халкының матур җырларын җырладылар, күңелле һәм мавыктыргыч уеннарын уйнадылар.

Беренче Май килде жиргә,
Якты нурга күмелеп.
Төрле төскэ керде җиһан
Матурлыкка төренеп.

Каен бөресе җыю акциясендә актив катнаштык. Бөтен күңелен биреп, иң күп җыючылар да билгеле булды. 27 апрель көнне бакчабызда җыелган каен бөреләрен шартларына туры китереп Арча мәгариф идарәсенә тапшырдык һәм нәтиҗәләрне түземсезлек белән көтәбез. Каен бөресен җыюда үз өлешен керткән һәр кешегә зур рәхмәтебезне белдерәбез.

Новая игра- радость для детей.

Бүген бездә авылыбыз китапханәчесе  Гөлчәчәк апалары  кунакта. Ул балаларны китапханәдәге яңа китаплар белән таныштырды. Тукайның матур шигырьләрен укыды.

Бүген, 26 апрель көнне бакчабызда бөек шагыйребез Габдулла Тукайның тууына 137 ел тулу уңаеннан "Без Тукай оныклары" дип аталган шигърият бәйрәме узды.Бәйрәмгә әкият персонажларының кунакка килүе тагын да ямь өстәде. Шүрәле, Су анасының күмәк уеннарда уйнавы нәни дусларыбызга бик күп шатлык, сөенеч китерде.Г.Тукай үзенең иҗат җимешләре аша хезмәтне, табигатьне, кешеләрне яратырга; гадел, мәрхәмәтле булырга өйрәтә. Ә сабыйларыбызның аның әсәрләрен белүләре, кызыксынулары, татарча матур итеп сөйләүләре безнең - тәрбиячеләрнең күңелендә горурлык һәм якты хис уята.

Габдулла Тукай әкиятләре геройлары Су анасы белән Шүрәле кечкенәләр төркемендә кунакта булдылар.

Районный танцевальный конкурс "Каблучок". Ура! У нас  1 место!