Вак-вак кына итеп кисеп

Өяләр аны таудай.

Чак-чак кына алып, өзеп

Аша, дустым, син шулай!

Чәк-чәк – ул татар халкының иң дәрәҗәле ризыгы, чәк-чәк белән мәртәбәле кунакларны каршы алалар. Бүген без аны ясау серләренә төшендек. Дуслар белән бергәләп тозлы камырдан чәк-чәк әзерләдек.

Бакчабызда "Юлда йөрсәң-бул уяу!" исеме астында юл кагыйдәләренә карата мероприятие үткәрдек.Хәзерге шау-шулы заманда юл йөрү кагыйдәләрен белмәү сәбәпле балалар  белән  куркыныч хәлләр килеп чыгарга мөмкин.  Менә шундый күңелсез хәлләр килеп чыкмасын өчен   балалар бакчасында балаларга  юл йөрү кагыйдәләрен   кече яшьтән үк өйрәтә башлыйбыз. Без, тәрбиячеләр, аларга  юл йөрү кагыйдәләрен төгәл үтәүнең мөһимлеген аңлатабыз,  юл йөрү кагыйдәләре буенча белемнәрен тикшерәбез, юл билгеләренә, сфетофор сигналларына карап хәрәкәт итәргә күнектерәбез, балаларда  игътибарлылык, ярдәмчел булу сыйфатлары тәрбиялибез, юл билгеләре безгә бик күп нәрсә турында сөйләвен төшендерәбез. Балаларның уеннарда актив катнашуларын, сорауларга дөрес һәм төгәл итеп җавап бирүләрен, юл  кагыйдәләрен белү дәрәҗәсен   Арча шәһәре ЮХИДИ хезмәткәре  Мухаметзянова Энҗе Газиз кызы бәяләде.Ул балаларга  үзенең теләкләрен җиткерде, зур рәхмәтен белдерде.

Гаиләнең, терәге – ир-ат, әти кеше. Безнең татар халкында борыңгыдан әти кеше – гаилә башлыгы итеп, аңа зур ихтирам, олы хөрмэт белән караганнар, бу бүгенге көндә дә шулай кала бирә. Ни әйтсәңдә гаиләнең бөтенлеге, барлыгы аның җилкәсендә. Әтиләр ил терәге, гаилә таянычы да. Безнең әтиләребез, без тыныч яшәсеннәр, матур уйнасыннар, тамакларыбыз тук булсын, илебез имин булсын өчен Ватаныбызны саклаганнар. Без бу кадерле кешелэребезне 23 февраль – Ватанны саклаучылар көне белән тәбрик итәбез! Сезгә, хөрмәтлеләребез, ныклы сәламәтлек, балаларыбызга урнәк булуыгызны, гомерләрегез озын булып, тыныч күк йөзе астында яшәргә насыйп итсен! 

 Бәйрәм уңаеннан бакчабызда балалар һәм әти-әниләр белән берлектә спорт уеннары үткәрдек. Алар ике командага бүленеп үзара көч сынаштылар. Бәйрәм бик күңелле үтте. Бакча коллективы исеменнән әти-әниләребезгә зур рәхмәтебезне белдерәбез.

Дөньядагы һөнәрләрне санап бетереп булмый. Алар көннән-көн арта бара..Менә шул һөнәрләр арасыннан һәр кеше үзенә туры килгәнен сайлап алырга тиеш. Ул һөнәр аңы гомер буена озата барыр. Һәрбер кешенең һөнәр сайлауга кызыксынуы балачактан ук уяна икән.Бакчабызда күбрәк һөнәрләр турында сөйләшсәк балаларыбызга  аларны сайларга җиңелрәк булыр.Безнең тормыш хезмәттән тора. Һәрбер балаланың  әти-әниләренең  үзләре сайлаган һөнәрләре, эш урыннары бар. Балалар һөнәрләр белән якыннанрак танышу максатыннан  без "Әтиемнең һөнәре" темасына стенгазета ясадык. Әтиләренең яраткан эшләре турында сөйләгәндә балалар горурланып, игътибар белән тыңлап утырдылар.

Тел дигән дәрья бар,      

Дәрья төбендә мәрҗән бар.

Белгәннәр чумып алыр,

Белмәгән карап калыр.

 21 нче февраль -  Һәр милләт, һәр халык өчен бәйрәм көн - Халыкара туган тел көне. Шушы уңайдан бакчабызда туган тел көне үткәрдек.Без туган телебезне зурлап татар телендә җырлар җырладык, шигырьләр сөйләдек, уеннар уйнадык.

23 февраль — Ватанны саклаучылар коне – батырлык, намус hәм кыюлык көне . Шушы уңайдан әтиләребезгә нәни кулларыбыз белән бәйрәм открыткалары ясадык.

Без балалар белән бергә суган утырту тәҗрибәсен үткәрдек.Тәҗрибәнең төп максаты балаларда суган үстерү теләге тудыру,хезмәткә хөрмәт тәрбияләү;суганның файдалы яшелчә икәне турында төшенчә бирү, суган үстерү турында белемнәрне тулыландыру иде.  Беренче балалар белән түтәлдә һәм тартмада үскән суган рәсемнәре карадык. Шуннан соң инде балалар белән бергә савытка балчык салып,суганнар утырттык, су сиптек. Балаларга суган утырту бик ошады. Алга таба бергәләп  суганның үсешен күзәтәчәкбез.

Балалар бакчасында Муса Җәлилнең туган көнен һәр елны искә алып үтәбез.Герой – шагыйрь Муса Җәлил турындагы белемнәрен яңа мәгълүматлар белән тулыландыру максатыннан, балалар бакчасында мәктәпкә әзерлек төркеме балаларының гаиләләре  белән Җәлил укулары оештырдык. Бу чарада  актив катнашкан өчен аларга бик зур рәхмәтебезне белдерәбез. Алар шигырьләрне шулкадәр  бирелеп, сәнгатьле итеп сөйләделәр, эйтерсең, каршыбызда  чын артистлар чыгыш ясады. Балалар  күзләрен дә алмый тыңлап утырдылар.Балалар  каршында  әбиләренең,әти-әниләренең  матур итеп чыгыш ясавы , нәниләр өчен соклану, горурлык хисләре тудырды. 

Бүген бакчабыздан Мухутдинова Назгөл "Арча йолдызлары" бәйгесендә "Гөлләрем, гөлкәйләрем" җыры белән чыгыш ясады. Яшь җырчыбызга алда да зур уңышлар телибез!

Безнең балаларыбыз спортның  күп төрләре белән кызыксыналар. Шушы уңайдан  шашка уены буенча ярыш үткәрдек. Балалар уенда бик теләп, актив катнаштылар. Аларга киләчәктә дә зур уңышлар  телибез.