Хөрмәтле хатын-кызлар!

Кояш нурларына, тамчылар чыңына төренеп март ае да килеп җитте. Табигатьнең язгы үзгәреш кичергән бер мәлендә без гүзәл затларыбызның иң күркәм бәйрәмен – 8 Март Халыкара хатын-кызлар көнен билгеләп үтәбез. Язгы кояш нурына күмелгән әлеге бәйрәмдә мәхәббәт, матурлык, ана назы, ягымлылык, мәрхәмәтлелек, шәфкатьлелек, сабырлык, хатын-кызга ихтирам кебек мәңгелек кыйммәтләр чагылыш таба. Бу матур бәйрәм көнендә безнең ихлас котлауларыбызны кабул итегез.

Язгы гөрләвекләр сезнең тормышыгызга җылылык, саулык-сәламәтлек, эшегездә уңышлар, күңел тынычлыгы, күтәренке кәеф, бәхет алып килсен!

Мәктәбебезнең 5-6 класс укучылары 8 Март - Халыкара хатын-кызлар көненә багышланган бәйрәм концерты күрсәттеләр. Кичәдә үзләренең матур җырлары, биюләре аша бәйрәм сәламнәре юлладылар. Әниләрне, хатын-кызларны данлаган шигырьләр тәкъдим иттеләр. Бәйрәм кичәсе эчтәлекле булды, күтәренке рухта үтте. 

7-8 класс кызлары арасында "Ягез әле, кызлар" бәйгесе үтте. Кызлар ике командага бүленеп җитезлектә, тапкырлыкта, осталыкта көч сынаштылар. Сорауларга җавап бирделәр, табын әзерләү этикасын искә төшерделәр, җыр-биюгә осталыкларын күрсәттеләр. 

3 марта в здании АСО в Арске состоялся районный этап Всероссийского конкурса «Живая Классика» Из нашей школы в конкурсе приняли участие  2 участника: Сафиуллина Раиля (6 класс), Садыйкова Дина (7 класс). Обе участницы выступили хорошо. Сафиуллина Раиля стала активным участником конкурса и награждена Грамотой. Дина  Садыйкова  награждена Дипломом 3 степени. Поздравляем наших девочек

Мәктәбебездә татар теле һәм әдәбияты укытучылары тарафыннан "Озын толым" бәйгесе булып үтте. Әлеге бәйгедә 5-9 нчы сыйныф кызлары көчләрен сынады. Алар һәр ярыш төрендә үз осталыкларын күрсәттеләр. Афәрин, кызлар! Кичә бик күңелле узды.

Бүген татар теле һәм әдәбияты укытучысы Г. Р. Җәләлетдинова 5 нче сыйныфта татар әдәбиятыннан Ф. Яруллиннның "Кояштагы тап" темасына ачык дәрес уздырды. Дәрес бик эчтәлекле булды, тиешле югарылыкта үтте.

Мәктәбебез укучылар арасында чаңгы ярышлары узды. Ярышларда һәр укучы актив катнашты. 8 класс укучысы Сәләхиев И.И., 7 класс укучысы Шакиров И.И. яхшы нәтиҗәләр күрсәттеләр. 

В 1-3 классе  прошел классный час на тему "Подвиг Татарстанцев  в годы Великой Отечественной войны". Познакомила героями Советского Союза Арского района.Рассказала о летчиках- бомбардировчиках,о подвигах простых солдат.

Хәрби-патриотик айлык кысаларында һәр класс "Минем әтием" темасына коллаж ясады. Укучылар әтиләренең хәрби хезмәттә булган вакытлары турында материал тупладылар, әңгәмәләр үткәрделәр, фотографияләрен тупладылар. 

Башлангыч класс укучылары 23 февраль - Ватанны саклаучылар көненә багышланган бәйрәм концерты күрсәттеләр. Кичә матур җыр-биюләр, шигырьләр белән үрелеп барды. Авылдаш солдат-интерноционалистлар истәлекләре белән уртаклаштылар, укучыларга теләкләрен җиткерделәр.