29 нчы октябрь - "Россия укучылар хәрәкәте" - РДШның туган көне.  Шул уңайдан ил күләмендә РДШ җырына зур флешмоб уздырылды. Безнең мәктәп укучылары да флешмобта актив катнаштылар. 

Республика күләмендә удырылган "Ел укытучысы-2016" бәйгесенең район этабында мәктәбебезнең инглиз теле укытучысы Сафиуллина А.Р. катнашты.

28 нче октябрь көнне Арча укучылар сарае базасында  "Талантлылар университеты" эшчәнлегенең бер юнәлеше буенча югары сыйныф укучылары өчен тренинг үткәрелде. Әлеге чарада безнең мәктәптән 9 сыйныф укучысы Д. Р. Ибрагимова да катнашты. Тренинг укучыларга бик ошады.

27 нче октябрь көнне 4,6,8 нче класс укучылары татар теле буенча диагностик тест эшләделәр. 

Мәктәбебезнең педагог-оештыручысы Җамалиева А.М. "Мәгариф" журналына язылучылар өчен  үткәргән мастер-класста катнашты. 

9 нчы класс укучылары рус теленнән сынау имтиханы эшләделәр. Имтихан өчен кирәк булачак белемнәрен искә төшерделәр, үзләрен сынап карадылар. 

7,8,9 нчы класс укучылары катнашында Көзге бал бәрәме үткәрелде. . Балга килүче һәр класс матур биюләр бүләк итте. Кызларыбыз "Көзсылу-2016" исеме алу өчен, үзләрен төрле өлкәләрдә сынап карадылар. Кичә эчтәлекле, күтәренке рухта үтте. 

21 нче октябрь көнне мәктәптә Уңыш бәйрәме үтте. Бәйрәм кичәсен 5-6 класс укучылары класс җитәкчеләре Сафиуллина А.Р., Мостафина Г.А. һәм педагог-оештыручы Җамалиева А.М. җитәкчелегендә оештырдылар. Бәйрәм чарасы матур җыр-биюләргә, әкияти тамашаларга бай булды.

Мәктәбебез укучылары традиция буенча, Көзге бәйрәмнәргә композицияләр ясыйлар. Бу елны укучылар класс җитәкчеләре белән берлектә искиткеч матур, зәвыклы, серле күргәзмәләр оештырдылар. Иң бай һәм иң күләмле композицияләр 8-9 нчы классларныкы иде. Һәр күргәзмә күңелгә матурлык өстәп тора. 

19 нчы  октябрь көнне мәктәптә көзге өмәләр үтте. Тирә-юнь, бакчалар чистартылды. Яшелчә бакчасы кышка әзерләп куелды. Чарада һәр укытучы, һәр укучы актив катнашты.